Politike

Pak ditë para formimit të kabinetit të ri qeveritar, ministrja Ibrahimaj dhe një ish-ministër shkojnë në kryeministri

Vizita ka zgjatur vetëm 20 minuta për ish-ministrin, i cili ka dalë i vetëm nga godina e kryeministrisë.

26 Gusht 2025, 11:00 Nga r.ll
Pak ditë para formimit të kabinetit të ri qeveritar, ministrja
ibrahimaj dhe mete

TIRANË- Ministrja e Shtetit për Sipërmarrjen, Delina Ibrahimaj dhe ish-ministri i Financave, Ervin Mete kanë zhvilluar paraditen e sotme një vizitë në kryeministri. Sipas raportimeve, vizita ka zgjatur vetëm 20 minuta për ish-ministrin, i cili ka dalë i vetëm nga godina e kryeministrisë. Këto lëvizje vijnë pak ditë para formimit të kabinetit të ri qeveritar.

Një ditë më parë, kryeministri Edi Rama u rikthye në zyrën e tij në kryeministri, pas tre javësh pushimi në vilën qeveritare në Dhërmi. Kreu i qeverisë u filmua duke hyre në ambientet e godinës së kryeministrisë, i veshur sportiv dhe me rroba të zeza.  Sipas raportimeve, Rama zhvilloi dje edhe një mbledhje me disa ministra dhe deputetë socialistë. 

Pritet që brenda pak ditësh të prezantohet përbërja e kabinetit të ri qeveritar, ndërsa në ditët e ardhshme Partia Socialiste do të mbledhë Asamblenë Kombëtare.

kabineti i ri qeveritar edi rama delina ibrahimaj ervin mete

Sondazh

Poll