Politike

"Rindërtimi, një gënjeshtër e madhe", Teliti: E papranueshme, Bashkia Tiranë shpenzoi vetëm 26 milionë euro! Ku shkuan paratë e tjera?

Teliti thekson se 53 milionë euro ishin në dispozicion për rindërtimin vetëm vitin e kaluar, por Bashkia shpenzoi vetëm 26 milionë euro.

16 Gusht 2025, 21:10 Nga N.F
"Rindërtimi, një gënjeshtër e madhe", Teliti: E
Foto

TIRANË- NënKryetari i Këshillit Bashkiak Tiranë dhe njëkohësisht Këshilltari për Cështjet Ekonomike PD, Dorjan Teliti përmes një postimi në "Facebook" ka denoncuar sipas tij zvarritjen që Bashkia Tiranë i ka bërë procesit të rindërtimit. Teliti thekson se 53 milionë euro ishin në dispozicion për rindërtimin vetëm vitin e kaluar, por Bashkia shpenzoi vetëm 26 milionë euro.

Ai ka ngritur disa pyetje se ku po shkojnë këto para dhe se procesi i rindërtimit po zvarritet teksa vë kryeqytet shtohen kulla shumë shpejt. Teliti shkruan se kjo situatë është një dështim politik që tregon mungesën e vullnetit dhe ndershmërisë nga drejtuesit e Bashkisë.

"SKANDAL: RINDËRTIMI NJË GËNJESHTËR E MADHE E BASHKISË TIRANË! Është e papranueshme dhe thellësisht revoltuese të shohësh si Bashkia Tiranë ka transformuar procesin jetik të rindërtimit në një farsë tragjike, duke lënë qindra familje të Tiranës ende në mëshirë të fatit. Shifrat flasin vetë: 53 milionë euro ishin në dispozicion për rindërtimin vetëm vitin e kaluar, por Bashkia shpenzoi vetëm 26 milionë euro – më pak se gjysma!

Ku shkuan paratë e tjera? Kjo nuk është thjesht neglizhencë, kjo është një shuplakë e rëndë për çdo qytetar të prekur! ​Me këtë ritëm tallës, a duhet të presim vërtet deri në dekadën e ardhshme që shtëpitë e nevojtarëve të rindërtohen? Ndërkohë që kulla pas kulle ngrihet me shpejtësi marramendëse në zemër të Tiranës, duke shërbyer interesat e një klike të ngushtë, rindërtimi i shtëpive të qytetarëve është kthyer në sinonim të zvarritjes së pafundme, abuzimeve flagrante me tenderat, dhe punimeve fantazmë ose jashtë çdo standardi.

Ky nuk është thjesht një dështim menaxherial, por ky është një dështim politik që tregon qartë mungesën e vullnetit dhe ndershmërisë nga ana e drejtuesve të Bashkisë së Kryeqytetit. Kush do të mbajë përgjegjësi për këtë mashtrim të madh?" shkruan Teliti.

teliti

Sondazh

Poll