Aktualitet

Vrasja e 14 vjeçarit në Maliq/ Eraldi u godit në zemër, pas krimit xhaxhai autorit lau thikën të fshinte gjurmët e gjakut

Ndërkohë policia ende nuk ka marrë në pyetje autorin, pasi i mituri ndodhet në gjendje të rëndë psikologjike, çfarë ka penguar deri tani marrjen ne pyetje nga grupi hetimor. Sot pritet që në prezencë të avokatit, psikologut dhe familjarëve, të merret dëshmia e vrasësit të Erald Xhejos.

15 Gusht 2025, 12:19 Nga E. D
Vrasja e 14 vjeçarit në Maliq/ Eraldi u godit në zemër,
Eraldo Xhejo

MALIQ-  Familja Xhejo në fshatin Zvirinë të Maliqit, ka hapur dyert e mortit. Pasditen e sotme në orën 16:00 do të përcjellin për në banesën e fundit djalin e tyre Eraldin 14 vjeç. Eraldo Xhejos iu mor jeta në moshën më të bukur nga dora e bashkëmoshatarit të tij Enedio Guri. 

Ndërkohë policia ende nuk ka marrë në pyetje autorin, pasi i mituri ndodhet në gjendje të rëndë psikologjike, çfarë ka penguar deri tani marrjen ne pyetje nga grupi hetimor. Sot pritet që në prezencë të avokatit, psikologut dhe familjarëve, të merret dëshmia e vrasësit të Erald Xhejos.

Sipas raportit të ekspertizës mjeko- ligjore, vdekja e 14 vjeçarit ka ardhur si pasojë e një goditje të vetme me thikë në zemër. Plaga ka qenë fatale dhe i mituri ka humbur jetën brenda pak minutash në vendin e ngjarjes. Pas krimit, autori ka tentuar tē largohet me makinë së bashku me një 34-vjeçar, ndërsa xhaxhai i tij ka marrë nga vendi i ngjarjes thikën me tē cilën u krye vrasja, e ka larë dhe më pas e ka fshehur, duke penguar hetimet. Lidhur me ngjarjen u arrestua edhe babai i autorit dhe katë të mitur që ndodheshin të pranishëm gjatë sherrit. 

 

eraldo xhejo

Sondazh

Poll

MË SHUMË