Aktualitet

Vrasja me thikë e 14-vjeçarit në Maliq/ Policia zbardh dinamikën e ngjarjes, vihen në pranga tetë persona! Mes tyre babai dhe xhaxhai i autorit, si ndihmuan në fshehjen e ngjarjes

Blutë bëjnë me dije se lidhur me rastin tetë persona janë vënë në pranga. Mes të arrestuarve janë autori Enedio Guri, babai dhe xhaxhai i tij. Gjithashtu në pranga janë vënë edhe katër të mitur dhe një 34-vjeçar të cilët ishin të pranishëm gjatë konfliktit mes 14-vjeçarëve. 

15 Gusht 2025, 08:48 Nga E. D
Vrasja me thikë e 14-vjeçarit në Maliq/ Policia zbardh
viktima Erald Xhejo

MALIQ- Policia ka zbardhur dinamikën e vrasjes së 14-vjeçarit Erald Xhejo në Maliq. Blutë bëjnë me dije se lidhur me rastin tetë persona janë vënë në pranga. Mes të arrestuarve janë autori Enedio Guri, babai dhe xhaxhai i tij. Gjithashtu në pranga janë vënë edhe katër të mitur dhe një 34-vjeçar të cilët ishin të pranishëm gjatë konfliktit mes 14-vjeçarëve. 

Sipas policisë autori Enedio Guri pas kryerjes së krimit ka tentuar të largohej nga vendngjarja, me automjet së bashku me 34-vjeçarin që ishte i pranishëm gjatë sherrit me të miturve.  Ndërsa babai dhe xhaxhai i autorit kanë fshehur mjetin prerës (thikë), me të cilin u krye krimi. 

Ndërkohë katë të miturit që ishin të pranishëm gjatë krimit kanë tentuar nëpërmjet deklarimeve në polici të pengojnë zbulimin e së vërtetës. Gjithashtu është sekuestruar mjeti prerës (thikë), automjeti me të cilin tentuan të largoheshin autori dhe 34-vjeçari dhe dhe 5 celularë.

Njoftimi i plotë: 

Maliq/Si rezultat i hetimeve të shpejta dhe profesionale, zbardhet dinamika e vrasjes së 14-vjeçarit, kryer dje, në fshatin Pirg.

Për këtë rast, Policia e Korçës arrestoi 8 shtetas:

-14-vjeçarin autor të dyshuar të vrasjes, i cili pas kryerjes së krimit, tentoi të largohej nga vendngjarja, me automjet;
-babanë dhe xhaxhanë e autorit të dyshuar, pasi fshehën mjetin prerës (thikë), me të cilin u krye krimi;

-4 të mitur, të pranishëm gjatë konfliktit mes 14-vjeçarëve, të cilët nëpërmjet deklarimeve në Polici, tentuan të pengojnë zbulimin e së vërtetës;

-një 34-vjeçar, gjithashtu i pranishëm gjatë konfliktit, i cili tentoi të largohet nga vendngjarja, në të njëjtin automjet me 14-vjeçarin.

Sekuestrohen mjeti prerës (thikë), automjeti me të cilin tentuan të largoheshin 2 shtetasit dhe 5 celularë.

Në vijim të veprimeve hetimore dhe policore të kryera nga specialistët për Hetimin e Krimeve të Rënda të DVP-Korçë, në bashkëpunim me shërbimet e Komisariatit të Policisë Maliq dhe në drejtimin e Prokurorisë së Korçës, në lidhje me ngjarjen e djeshme, në fshatin Pirg, ku u vra me mjet prerës (thikë), një 14-vjeçar, dyshohet nga një bashkëmoshatar i tij, gjatë një konflikti për motive të dobëta, u vunë në pranga:

-shtetasi E. G., 14 vjeç, banues në fshatin Leminot, për veprat penale "Vrasja me dashje" dhe "Drejtimi i automjetit në mënyrë të parregullt". 14-vjeçari u dëmtua lehtë, gjatë konfliktit. Ai mori asistencën e nevojshme mjekësore dhe la ambientet e spitalit, ditën e djeshme;
-shtetasit E. G., 44 vjeç dhe R. G., 44 vjeç, përkatësisht babai dhe xhaxhai i 14-vjeçarit, për veprën penale "Veprime që pengojnë zbulimin e të vërtetës";

-4 të mitur, banues në fshatin Zvirinë, për veprat penale "Moskallëzimi i krimit" dhe "Veprime që pengojnë zbulimin e të vërtetës";
-shtetasi F. Ç., 34 vjeç, banues në fshatin Leminot, për veprën penale "Moskallëzimi i krimit".

Materialet procedurale iu referuan Prokurorisë së Korçës, për veprime të mëtejshme.

erald xhejo

Sondazh

Poll

MË SHUMË