Politike

Rama pranon dështimin: Do merren masa drastike për plazhet, për çështjen e turistëve do flasim më vonë

Rama tha gjithashtu se "shkundja" e bashkive në muajin korrik ishte një domosdoshmëri që pushteti vendor të ngrihet në një nivel tjetër.

10 Gusht 2025, 13:35 Nga r.ll
Rama pranon dështimin: Do merren masa drastike për plazhet, për
edi rama

TIRANË- Kryeministri Edi Rama në bashkëbisedimin e zhvilluar sot në rrjetet sociale me komentuesit ka pranuar se situata me turizmin nuk ishte e mir dhe se plazhet ishin bosh. Lidhur me këtë Rama tha se për çështjen e turistëve do të flasë përsëri në shtator. Më tej shtoi se një pjesë e industrisë, nuk po mendon strategjikisht dhe po i bën gropën vetes me çmimet e vendosura.

Ai paralajmëroi masa radikale për plazhet, ku tha se hapat e bërë këtë vit ishin të pamjaftuesheëm. Rama tha gjithashtu se "shkundja" e bashkive në muajin korrik ishte një domosdoshmëri që pushteti vendor të ngrihet në një nivel tjetër.

"Çështja e turistëve lidhet me 2 a 3 gjëra të tjera për të cilat do të flasim shumë hapur dhe shumë qartë në shtator. Duke filluar nga një pjesë e industrisë që nuk po mendon fare strategjikisht, por po mendon vetëm kap ça të kapësh sot dhe praktikisht po i bën gropën vetes për nesër, pasi gjithë ato investime që po bën, nuk do të mund dot t’i shlyejë dhe as do të mund dot t’i kthejë në investime të qëndrueshme për fëmijët nëse sot vendos çmime të cilat do të hapin me shumë shpejtësi fjalën që është shumë shtrenjtë në Shqipëri. Por do të flasim për këtë, siç do të flasim edhe për plazhet ku kemi bërë një hap të madh përpara këtë vit, por të pamjaftueshëm dhe do të marrin masa radikale edhe me plazhet për vitin e ardhshëm, ku bashkitë do të marrin shumë më tepër forcë, por ama shkundja e bashkive sot është një domosdoshmëri që të gjitha gjërat të shkojnë shumë më mirë nesër dhe që pushteti vendor që ka bërë shumë gjëra, por që ka shumë të meta, të ngrihet në një nivel tjetër”, tha Rama.

edi rama

Sondazh

Poll

MË SHUMË