Sport

Son prezantohet te Los Angeles, bashkohet me ish-shokun e tij Hugo Lloris…

Sipas mediave amerikane, marrëveshja kushtoi afërsisht 26 milionë dollarë.

8 Gusht 2025, 10:00 Nga DOSJA

Son prezantohet te Los Angeles, bashkohet me ish-shokun e tij Hugo

SHBA - Pas dhjetë vitesh te Tottenham, Son Heung-min mbërrin në MLS dhe tashmë po i vë flakën Los Angelesit.

Sulmuesi koreano-jugor, u prezantua zyrtarisht si lojtar i ri për Los Angeles FC, duke nënshkruar një kontratë deri në vitin 2027 dhe duke u bërë blerja më e shtrenjtë në historinë e ligës amerikane. Sipas mediave amerikane, marrëveshja kushtoi afërsisht 26 milionë dollarë.

Gjatë prezantimit të tij, Son pranoi me sinqeritet: “Të jem i sinqertë, MLS nuk ishte zgjedhja ime e parë. Por ishte telefonata e parë që mora në fund të sezonit. John Thorrington (bashkëpresident dhe menaxher i përgjithshëm i klubit) më bindi, ai ndryshoi mënyrën time të të menduarit, më tregoi një rrugë të re. Dhe tani jam këtu”.

Koreano-jugori, megjithatë, e ngriti menjëherë standardin: “Nuk erdha këtu vetëm për të qenë. Jam këtu për të fituar. Do të jap gjithçka nga vetja dhe do t’u tregoj tifozëve diçka emocionuese”.

Një faktor tjetër vendimtar ishte ribashkimi me Hugo Lloris, shokun e tij të skuadrës për tetë sezone te Tottenham, i cili tani është portieri i LAFC. Son i bashkohet një liste emrash të mëdhenj që kanë veshur fanellën e Los Angeles: Gareth Bale, Giorgio Chiellini, Olivier Giroud.

“Largimi nga Tottenham, ku kalova pjesën më të madhe të karrierës sime, ishte emocional. I dhashë gjithçka vetes dhe thellë-thellë, ndjeva sikur kisha shteruar të gjithë energjinë time”, përfundoi ai.

B.T (Dosja.al)

Sondazh

Poll

MË SHUMË