Sport

"Arti mund të ndryshojë jetë!"... Gjesti i Kevin De Bruyne, belgu do të nxjerrë në ankand një pikturë për bamirësi për fëmijët e sëmurë

Kevin De Bruyne ka nxjerrë në ankand një pikturë nga koleksioni i tij personal, me të ardhurat që do të shkojnë për një organizatë bamirësie kushtuar fëmijëve me sëmundje metabolike.

7 Gusht 2025, 18:31 Nga DOSJA

"Arti mund të ndryshojë jetë!"... Gjesti i Kevin De

ITALI - Kevin De Bruyne ka nisur një fushatë bamirësie për të mbështetur fëmijët me sëmundje metabolike. Mesfushori sulmues 34-vjeçar nxori në ankand një vepër nga koleksioni i tij personal për të mbledhur fonde për një shoqatë që ndihmon fëmijët me këtë lloj sëmundjeje. 

"Si baba, jam thellësisht i prekur nga numri i fëmijëve që vuajnë nga sëmundje metabolike. Këto sëmundje të rralla, por shpesh fatale, kërkojnë urgjentisht kërkime të mëtejshme", tha lojtari ndërkombëtar belg (111 ndeshje, 31 gola) në një postim të publikuar në llogarinë e tij në Instagram këtë të enjte. "Arti mund të ndryshojë jetë. Ky është shansi juaj për të bërë një ndryshim ", shtoi ai.

E ekspozuar në Galerinë e Artit Robinson në Knokke, kanavaca e zgjedhur nga lojtari i ri i Napolit, e titulluar "7Z2Q#CB 210x150", u krijua nga artisti gjerman Claus Bestermann, një specialist në pikturën abstrakte.

 
 
 
 
 
View this post on Instagram
 
 
 
 
 
 
 
 
 
 
 

A post shared by Kevin De Bruyne (@kevindebruyne)

Ishte agjenti i Bestermann, Jos de Troyer, që është i afërt me familjen De Bruyne, i cili sugjeroi ish-mesfushorin e Manchester City. "Më duhej ta pyesja vetëm një herë dhe ai pranoi menjëherë. Kevin është baba i tre fëmijëve dhe shumë i përfshirë në gjithçka që bëjnë ata. Ai është gjithashtu jashtëzakonisht i pasionuar pas shëndetit të fëmijëve. Është një temë shumë e rëndësishme për të", tha De Troyer për median belge RTL Sports.

Të ardhurat nga shitja do të financojnë kërkimin mbi sëmundjet metabolike, të cilat ndonjëherë janë të vështira për t'u identifikuar. Ankandi do të zhvillohet në nëntor dhe do të përfshijë piktura të tjera dhe makina të rralla.

B.T (Dosja.al)

Sondazh

Poll

MË SHUMË