Bota

Tërmeti me magnitudë 8.8 në Rusi riaktivizon disa vullkane, ekspertët: Goditja u dha atyre energji shtesë

Tërmeti me magnitudë 8.8 ballë bëri që gadishulli të zhvendosej gati dy metra në jug dhe shkaktoi aktivitet në një zinxhir vullkanesh, disa prej të cilëve kanë mbetur në gjumë për qindra vjet.

6 Gusht 2025, 08:12 Nga M.B
Tërmeti me magnitudë 8.8 në Rusi riaktivizon disa vullkane,
Foto ilustruese

AZIA- Një tërmet masiv që goditi pranë Gadishullit Kamchatka të Rusisë javën e kaluar, një nga më të mëdhenjtë e regjistruar ndonjëherë, ka shkaktuar shpërthime dhe aktivitete të tjera në shtatë vullkane në rajon, sipas një grupi rus sizmologjik.

Tërmeti me magnitudë 8.8 ballë bëri që gadishulli të zhvendosej gati dy metra në jug dhe shkaktoi aktivitet në një zinxhir vullkanesh, disa prej të cilëve kanë mbetur në gjumë për qindra vjet.

Nga vullkani Krasheninnikov u pa rrjedhje lave javën e fundit për herë të parë në gati 600 vjet dhe pati një shpërthim të madh të dielën. Zyrtarët vendas thanë se rrjedha e fundit e lavës u regjistrua në vitin 1463.

Një sizmolog rus i tha për mediat lokale se ekziston një lidhje e drejtpërdrejtë midis tërmetit të fuqishëm dhe aktivitetit të freskët vullkanik në zonën që shtrihet përgjatë kufirit të largët lindor të Rusisë në Detin Bering dhe direkt në perëndim të zinxhirit të Ishujve Aleutian të Alaskës.

“Ne ia atribuojmë shpërthimet tërmetit, i cili aktivizoi vatrat magmatike dhe u dha atyre energji shtesë”, tha për TASS Alexey Ozerov, anëtar korrespondent i Akademisë Ruse të Shkencave dhe drejtor i Institutit të Vullkanologjisë dhe Sizmologjisë.

kamchatka termet

Sondazh

Poll

MË SHUMË