Bota

"Ne nuk votuam për ChatGPT", kryeministri suedez nën kritika për përdorimin e inteligjencës artificiale në rolin si drejtues i vendit

Zëdhënësi i Kristersson, Tom Samuelsson, tha se kryeministri nuk ka ndarë informacione të ndjeshme për sigurinë e vendit me inteligjencën artificiale.

5 Gusht 2025, 20:40 Nga r.ll
"Ne nuk votuam për ChatGPT", kryeministri suedez nën kritika
ulf kristersson

SUEDI- Kryeministri suedez, Ulf Kristersson, është kritikuar ashpër pasi pranoi se konsultohet rregullisht me Chat GPT dhe mjete të tjera të inteligjencës artificiale për një mendim të dytë në rolin e tij si drejtues i vendit.

Kristersson, partia e të cilit kryeson qeverinë e koalicionit të qendrës së djathtë të Suedisë, tha se përdori mjete duke përfshirë ChatGPT dhe shërbimin francez LeChat. Kolegët e tij përdorën gjithashtu inteligjencën artificiale në punën e tyre të përditshme, tha ai.

Kristersson i tha gazetës suedeze të biznesit Dagens industri: “Unë vetë e përdor mjaft shpesh. Nëse jo për asgjë tjetër, atëherë për një mendim të dytë. Çfarë kanë bërë të tjerët? Dhe a duhet të mendojmë krejt të kundërtën? Këto lloj pyetjesh.”

Megjithatë, ekspertët e teknologjisë kanë ngritur shqetësime në lidhje me politikanët që përdorin mjetet e inteligjencës artificiale në një mënyrë të tillë, dhe gazeta Aftonbladet akuzoi Kristersson në një editorial se kishte “rënë në psikozën e inteligjencës artificiale të oligarkëve”.

"Duhet të jesh shumë i kujdesshëm', tha për Aftonbladet Simone Fischer-Hübner, një studiuese e shkencave kompjuterike në Universitetin Karlstad, duke paralajmëruar kundër përdorimit të ChatGPT për të punuar me informacione të ndjeshme.

Zëdhënësi i Kristersson, Tom Samuelsson, tha më vonë se kryeministri nuk ka ndarë informacione të ndjeshme për sigurinë e vendit me inteligjencën artificiale.

Virginia Dignum, një profesoreshë e inteligjencës artificiale të përgjegjshme në Universitetin e Umea-s, tha se inteligjenca artificiale nuk ishte e aftë të jepte një mendim kuptimplotë mbi idetë politike dhe se ajo thjesht pasqyron pikëpamjet e atyre që e ndërtuan atë.

"Sa më shumë që ai mbështetet te inteligjenca artificiale për gjëra të thjeshta, aq më i madh është rreziku i një besimi të tepruar në sistem. Është një shpat i rrëshqitshëm", i tha ajo gazetës Dagens Nyheter. "Ne duhet të kërkojmë që besueshmëria të mund të garantohet. Ne nuk votuam për ChatGPT".

ulf kristerssen suedi inteligjenca artificiale

Sondazh

Poll

MË SHUMË