Bota

I dënuar për abuzim seksual, politikani australian refuzon të japë dorëheqjen nga vendi në parlament

Parlamenti shtetëror i Uellsit të Ri Jugor kishte planifikuar ta përjashtonte politikanin 44-vjeçar këtë javë, pasi ai refuzoi të jepte dorëheqjen pas vendimit të shpalljes fajtor.

5 Gusht 2025, 19:21 Nga r.ll
I dënuar për abuzim seksual, politikani australian refuzon të
gareth ward

AUSTRALI- Pavarësisht se është dënuar për përdhunim dhe aktualisht është në burg, një politikan nga Uellsi i Ri Jugor Në Australi, këmbëngul se dëshiron të mbetet anëtar i parlamentit shtetëror.

Një gjykatë në korrik e shpalli Gareth Ward fajtor për abuzim seksual ndaj dy të rinjve, të moshës 18 dhe 24 vjeç, në shtëpinë e tij, ngjarje e ndodhur midis viteve 2013 dhe 2015. Ward është aktualisht në paraburgim në pritje të dënimit.

Parlamenti shtetëror i Uellsit të Ri Jugor kishte planifikuar ta përjashtonte politikanin 44-vjeçar këtë javë, pasi ai refuzoi të jepte dorëheqjen pas vendimit të shpalljes fajtor. Megjithatë, avokatët e Ward, i cili planifikon të apelojë dënimin e tij, thonë se do të kërkojnë urdhra për të parandaluar përjashtimin e deputetit të pavarur.

Kryeministri i Uellsit të Ri Jugor, shprehu zemërimin e tij ndaj politikanit, duke thënë se ai "nuk ka turp". Ai madje i bëri thirrje atij të jepte dorëheqjen, duke thënë se kjo ishte opsioni i parë dhe më i dukshëm.

"Dikush është ulur në burg, i dënuar për krime të rënda seksuale, i cili kërkon të mbetet anëtar i parlamentit dhe të vazhdojë të paguhet", tha kryeministri.

Në të njëjtin kontekst ishte edhe deklarata e udhëheqësit të Liberalëve të opozitës, të cilëve Ward më parë i përkiste. Ward dha dorëheqjen si ministër i qeverisë shtetërore dhe nga Partia Liberale kur akuzat dolën në dritë në vitin 2021, por ai refuzoi të jepte dorëheqjen nga parlamenti dhe u rizgjodh deputet për zonën e tij zgjedhore në vitin 2023 .

gareth ward

Sondazh

Poll

MË SHUMË