Politike

I komunikohet sot mbyllja e hetimeve dhe akuzat, Meta pritet të transportohet nga qelia në ambientet e SPAK

Komunikimi duhej të kryhej  të hënën e kaluar, por nuk u bë për shkak se avokati i Metës gjendej jashtë vendit.

4 Gusht 2025, 09:42 Nga M.B
I komunikohet sot mbyllja e hetimeve dhe akuzat, Meta pritet të
Ilir Meta

TIRANA- Presidenti i Partisë së Lirisë, Ilir Meta pritet të paraqitet sot në Prokurorinë e Posaçme në orën 11:00 ku do t'i komunikohet mbyllja e hetimeve dhe akuzat. Komunikimi duhej të kryhej  të hënën e kaluar, por nuk u bë për shkak se avokati i Metës gjendej jashtë vendit.

Presidenti i Partisë së Lirisë Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.

Konkretisht, Kryemadhi u hetua për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.

Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK.

ilir meta

Sondazh

Poll

MË SHUMË