Aktualitet

Shqyen dhe shkelën me këmbë e makinë flamurin shqiptar, reagon policia e Kosovës: Dy të miturit janë penduar! (VIDEO)

Zëdhënës i Policisë në rajonin e Prizrenit, Shaqir Bytyqi bëri me dije se rasti ka ndodhur në Studençan të Suharekës. Sipas tij, të miturit janë marrë në pyetje në prani të prindërve dhe kanë pranuar veprimin.

24 Korrik 2025, 17:09 Nga N.F
Shqyen dhe shkelën me këmbë e makinë flamurin shqiptar,
Pamje nga vendi i ngjarjes

KOSOVË- Dy të mitur janë filmuar sot teksa përdhosin flamurin e Shqipërisë. Të rinjtë shihen teksa grisin, shkelin me këmbë dhe makinë flamurin kuqezi. Pamjet e rastit janë publikuar bga mediat në Kosovë ndërsa në lidhje me ngjarjen ka reaguar edhe policia.

Zëdhënës i Policisë në rajonin e Prizrenit, Shaqir Bytyqi bëri me dije se rasti ka ndodhur në Studençan të Suharekës. Sipas tij, të miturit janë marrë në pyetje në prani të prindërve dhe kanë pranuar veprimin. Ata më tej kanë shprehur pendesë për këtë akti.


“Me datë 23.07.2025, Policia ka pranuar një informacion dhe video-regjistrim që lidhen me një veprim të papërshtatshëm ndaj flamurit kombëtar nga dy të mitur në Studençan, Suharekë. Pas reagimit të menjëhershëm, të miturit janë intervistuarnga policia në prani të prindërve dhe kanë pranuar veprimin, duke theksuar se nuk kanë pasur qëllim nënçmimi dhe janë penduar”, ka thënë Bytyqi.

perdhosje e flamurit shqiptar

Sondazh

Poll

MË SHUMË