Sport

Michel Platinin viktimë e një grabitjeje… Hajduti hyri në shtëpinë e tij, duke vjedhur disa trofe dhe medalje!

Një kriminel hyri në shtëpinë e ish-yllit të Juventusit pranë Marsejës, ndërsa ai ndodhej brenda.

18 Korrik 2025, 17:00 Nga DOSJA

Michel Platinin viktimë e një grabitjeje… Hajduti hyri në

FRANCE - Michel Platini ishte viktimë e një incidenti tragjik në shtëpinë e tij në departamentin Bouches-du-Rhône, pranë Marsejës.

Gjatë natës, një hajdut hyri me forcë në shtëpinë e tij, ndërsa ai ishte brenda dhe vodhi disa trofe dhe medalje me vlerë të paçmuar ekonomike dhe sentimentale.

I zgjuar nga zhurmat që vinin nga kopshti, ish-ylli i Juventusit zbriti poshtë rreth orës 5:30 të mëngjesit për të kontrolluar pronën. Pasi  vuri re një hajdut që po ikte, ai dha alarmin dhe njoftoi policinë.

Sipas një kontrolli fillestar pas vjedhjes, rreth njëzet sende u vodhën nga dhoma e trofeve që ndodhej në një aneks të shtëpisë së ish-kampionit francez, por një listë e saktë e kupave, medaljeve dhe çmimeve sportive të humbura nuk është hartuar ende. 

Sipas RTL, ndërsa dëmi në shtëpi është ende duke u vlerësuar, zyra e prokurorit të Marsejës ka hapur një hetim për vjedhje të rënduar. Hajduti duket se është zhdukur plotësisht pas grabitjes. Thellësisht i tronditur nga incidenti, "Le Roi" për fat të mirë shpëtoi pa lëndime. 

B.T (Dosja.al)

Sondazh

Poll

MË SHUMË