Sport

Durán e nis ters te Fenerbahçe, tërbohet Mourinho: "Është mungesë respekti!"...

Trajneri portugez nuk e fshehu pakënaqësinë e tij, pasi sulmuesi kolumbian nuk u paraqit për ditën e parë të stërvitjes parasezonale.

16 Korrik 2025, 19:00 Nga DOSJA

Durán e nis ters te Fenerbahçe, tërbohet Mourinho:

TURQI - Fenerbahçe e José Mourinhos i habiti të gjithë në këtë treg transferimesh, duke siguruar huazimin e sulmuesit kolumbian Jhon Durán, i cili mbërriti në Superligën Turke vetëm gjashtë muaj pas transferimit të tij nga Al Nassr për 77 milionë euro.

Pavarësisht entuziazmit në Stamboll për mbërritjen e ish-lojtarit të Aston Villas, gjërat nuk kanë filluar mirë për Durán te Fenerbahce, deri në atë pikë sa e kanë zemëruar Mourinhon.

Kolumbiani ishte mungesa e dukshme në fillim të parasezonit të Fenerbahçes në Portugali, gjë që e zemëroi Mourinhon, i cili nuk përjashtoi pasojat e mundshme.

"Është mungesë respekti. Ka rregulla të qarta këtu dhe kushdo që nuk i ndjek ato do të përballet me pasoja. Do të flasim me të kur të shfaqet, nëse shfaqet", tha trajneri portugez në një konferencë për shtyp.

Kjo nuk është polemika e parë që përfshin Jhon Durán, i cili gjatë kohës së tij në Aston Villa dhe Al Nassr ishte i përfshirë në disa episode të tensionuara brenda skuadrës. Mes trazirave, raportet nga Turqia tregojnë se Durán do t'i bashkohet skuadrës në Portugali pas disa ditësh.

B.T (Dosja.al)

Sondazh

Poll

MË SHUMË