Aktualitet

"Ku do të shkojnë turistët"?/ Protesta në Theth, protestuesit: Po na merrni të ardhmen, është mundi dhe djersa jonë

Gjithashtu ai shprehet se në fund të sezonit mundë edhe ta diskutojnë si çështje por jo sot. Ai theksoi më tej se ka mijëra turista që janë jashtë se janë shembuj objektet prej strukturave të policisë.

9 Korrik 2025, 10:10 Nga E. D
"Ku do të shkojnë turistët"?/ Protesta në Theth,
pamje nga vendngjarja

THETH- Një sipërmarrës është shprehur gjatë protestës kundër prishjes së objekteve pa leje në Theth se aksioni i ndërmarrë në mes të sezonit është i papranueshëm. Gjatë tensioneve me policinë, ai u shpreh se shteti po "vret" të ardhmen e tyre dhe se po largon turistët nga zona.

Gjithashtu ai shprehet se në fund të sezonit mundë edhe ta diskutojnë si çështje por jo sot. Ai theksoi më tej se ka mijëra turista që janë jashtë se janë shembuj objektet prej strukturave të policisë.

“Të ardhmen tonë, fëmija jonë, ku do të rrimë, ku do të shkojnë turistat. Nuk i kemi vjedhur kujt. Çfarë të bëjmë ne nesër kur të shemben objektet, të bëjmë krime dhe të përfundojmë nëpër burgje dhe në rrugët e botës. Ju po provokoni turistin e Thethit, çfarë doni të promovoni shpopullimin e vendit, ku të ikë kjo rini. Fatmirësisht ka jetë në këtë vend falë mundit dhe sakrificave tona që kemi bërë.

Doni të na merrni edhe këtë që na ka dhënë zoti. Nuk tolerohet, kjo është mundi, djersa dhe gjaku jonë. Po na e morët këtë, na merrni jetën. Në mes të sezonit kur ndodh kjo punë. Në fund të sezonit ulemi e flasim, por jo sot. Ku të shkojnë këta njerëz që janë brenda, ku ndodh kjo masakër. Po më shemb shtëpinë, çfarë do të më penalizosh tjetër.

Çfarë është kjo shprehje. Më ke gjobitur, më ke uruar për punën që kam bërë dhe turistët që kam pritur. Sa herë kam ndalë në male me shpëtuar turistët, bashkë me policinë e shtetit. E kemi ndërtuar këtë vend, kemi pritur e përcjellë dhe sot po na shembet shtëpia. Ju po na merrni edhe këtë. Ku të shkojmë, kush do të ndërtojë në këtë vend. Ka mijëra turista që janë jashtë se janë shembuj objektet prej strukturave të policisë”, tha ai.

Çfarë po ndodh në Theth?

Në Theth ka nisur një perplasje mes autoriteteve policore dhe banorëve të zonës, për shkak të urdhërit të kryeministrit Rama për prishjen e ndërtimeve pa leje. Banorët kanë kundërshtuar këtë urdhër, duke kërkuar dialog mes tyre dhe shtyrje të afatit deri në përfundim të sezonit turistik. Por këto kërkesa të banorëve, duket se kanë rënë në vesh të shurdhët, pasi IKMT po vijon me shembjen e strukturave pa leje. Në këto kushte, banorët në shenjë proteste kanë paralajmëruar se do të mbyllin fare bujtinat./Dosja.al

protesta ne theth

Sondazh

Poll

MË SHUMË