Politike

"Do të jem aktiv politikisht", Salianji: Me zor pres përballjen në Strasburg nëse kisha të drejtë unë apo qeveria

Ai tha së ka bërë kërkesë për hetim në SPAK për arsyet se përse u ndryshua trupa gjykuese e zgjedhur nga shorti elektronik për çështjen e tij.

8 Korrik 2025, 17:57 Nga r.ll
"Do të jem aktiv politikisht", Salianji: Me zor pres
ervin salianji

TIRANË- Ish-deputeti demokrat, Ervin Salianji ka deklaruar sot pas pyetjeve të gazetarëve në konferencë, se do të jetë aktiv politikisht. Salianji është shprehur më tej se një pengesë për angazhimin e tij politik është mos zbardhja e vendimit nga Gjykata e Lartë për rekursin e tij. 

Ai tha se ka bërë kërkesë për hetim në SPAK për arsyet se përse u ndryshua trupa gjykuese e zgjedhur nga shorti elektronik për çështjen e tij. Pas zbardhjes së vendimit nga Gjykata e Lartë, ish-deputeti tha se do t'i drejtohet Gjykatës Kushtetuese dhe më pas edhe Strasburgut. 

"Do të jem aktiv politikisht, kam qenë dhe nga burgu përmes letrave. Ka një pengesë me urdhër politik, moszbardhja e vendimit mbi rekursin tim, nga ana e Gjykatës së Lartë. Kjo gjykatë ka bërë një falsifikim të shortit për të bërë gjykimin tim. I kam bërë kërkesë SPAK për hetimin e arsyes se përse u hoq trupa e gjykimit e zgjedhur nga shorti elektronik dhe u caktua një tjetër. Vendimet e Gjykatës së Lartë ende nuk është zbardhur që tmë japë mundësi të shkoj në Gjykatë Kushtetuese dhe më pas në Strasburg. Me zor e pres një përballje në Gjykatën Europiane për të përcaktuar nëse kam pasur unë të drejtë apo qeveria. Tani do të kem më shumë kohë për të qenë më pranë problemeve të qytetarëve. Tani i ndjej në lëkurë padrejtësitë.", u shpreh Salianji.

ervin salianji

Sondazh

Poll