Politike

4 korriku/ Berisha: SHBA kremton këtë përvjetor pas fitores epike ndaj Ajetollahëve

Berisha e nisi fjalën e tij duke uruar Ditën e Pavarësisë së Shteteve të Bashkuara të Amerikës. 

4 Korrik 2025, 12:59 Nga r.ll
4 korriku/ Berisha: SHBA kremton këtë përvjetor pas fitores epike
sali berisha

TIRANË- Kryetari i Partisë Demokratike, Sali Berisha ka zhvilluar sot një konferencë për mediat nga selia blu. Berisha e nisi fjalën e tij duke uruar Ditën e Pavarësisë së Shteteve të Bashkuara të Amerikës. 

Ai u shpreh se SHBA-të kremtojnë këtë përvjetor pas një fitoreje epike mbi regjimin në Iran që udhëhiqet nga Ayatollah Ali Kahmenei.

"Së pari, do ta filloj me një urim të përzemërt për 4 korrikun, Ditën e Pavarësisë së kombit që ka bërë më shumë se kushdo tjetër për lirinë e kombeve tjera në tërësi, dhe lirinë e kombit shqiptar në veçanti. Pra, Ditën e Pavarësisë së SHBA-ve, një urim për qytetarët, qeverinë dhe presidentin Donald Trump, të këtij vendi.

SHBA-të kremtojnë këtë përvjetor pas një fitoreje epike, të jashtëzakonshme, mbi regjimin obskurantist të Ajetollahëve. Fitore me të cilën flamuri i këtij vendi u ngrit përsëri, pas rënies në gjysmështizë në Kabul. Dhe, kjo kishte një vlerë shumë të madhe. Ishte një këputje e nyjës gordiane.

Ata të cilët nuk kanë kuptuar përmasat e kësaj fitoreje, nuk janë në nivelin e duhur politik, për të mos thënë që kanë ndienja pro-obskurantizmit. Një armë bërthamore në duart e Ajetollahëve do të ishte një rrezik madhor për të gjithë Lindjen e Mesme, dhe për të gjitha vendet e tjera.", tha Berisha. 

sali berisha

Sondazh

Poll

MË SHUMË