Politike

Takimi në selinë e PS/ Rama zbret deputetët e qarkut të Tiranës në terren: Evidentoni problematikat e qytetarëve! Angazhon dhe ministrat

Pjesë e takimit ishin edhe kandidatët për deputet nga listat e hapura dhe të mbyllura të PS-së, të cilët nuk siguruan një vend në Kuvend.

4 Korrik 2025, 11:17 Nga r.ll
Takimi në selinë e PS/ Rama zbret deputetët e qarkut të
rama dhe mazniku

TIRANË- Kryeministri Edi Rama po zhvillon në selinë rozë një mbledhje me deputetët e zgjedhur të qarkut të Tiranës dhe përfaqësues të bashkisë së kryeqytetit. Ndërkohë detaje të reja janë zbardhur nga takimi, ku pjesë e të cilit ishin edhe kandidatët për deputet nga listat e hapura dhe të mbyllura të PS-së, të cilët nuk siguruan një vend në Kuvend.

Sipas informacioneve, fokusi i diskutimeve në këtë takim ka qenë evidentimi i problematikave që hasin qytetarët e qarkut të Tiranës. Rama është shprehur se deputetët duhet të zbresin në terren për evidentimin e problematikave dhe të kontaktojnë më qytetarët, si dhe janë ngritur disa grupe pune për fushat të ndryshme si hapësirat publike, shërbimet, parkimi, lejet e ndërtimit.

Kryeministri ka kërkuar që brenda dy javësh të krijohet një raport për tu depozituar më pas në Bashki. Raportohet po ashtu se Rama ka angazhuar dhe ministrat e kabinetit për bashkinë e kryeqyteti. Ministri Petrit Malaj dhe Delina Ibrahimaj janë caktuar të mbikëqyrin financat, ministri Blendi Gonxhe do të ndjekë transportin dhe trafikun, ndërsa Ogerta Manastirliu dhe Anuela Ristani do të merren me hapësira publike.

edi rama

Sondazh

Poll

MË SHUMË