Aktualitet

“S’e kanë hedhur në sistem”, qytetari endet dy vjet për vendimin e gjykatës

Prona në vitin 2010 nuk është pranuar të regjistrohet nga kryeregjistruesi, pasi nuk përcaktohej origjina dhe më pas kadastra e Vlorës e ka regjistruar në emër të palës tjetër.

2 Korrik 2025, 21:34 Nga M.B
“S’e kanë hedhur në sistem”, qytetari endet dy vjet
Foto nga emisioni

VLORA- Në redaksinë e emisionit “Stop” në Tv Klan është paraqitur Ardian Rrapaj, i cili ka një problem prone në qytetin e Vlorës. Për truallin që posedon prej vitesh dhe ka pasur certifikatë, pasi e ka blerë, kanë dalë disa pretendues. Prona në vitin 2010 nuk është pranuar të regjistrohet nga kryeregjistruesi, pasi nuk përcaktohej origjina dhe më pas kadastra e Vlorës e ka regjistruar në emër të palës tjetër.

Për këtë arsye qytetari u drejtua në Gjykatën Administrative të Lushnjës. Prej dy vjetësh Ardiani thotë se po zvarriten seancat, pasi i kërkohen  nga gjyqtari të njëjtat dokumente që i ka dorëzuar. 

Pasi shkoi grupi i “Stop” u mësua se vendimi ishte zbardhur, por thjesht nuk ishte hedhur në sistem.

Gazetarja: Po përsa i përket zbardhjes së vendimit, për përjashtimin e gjyqtarit që ka që prej 25 janarit që ka bërë kërkesën zotëria dhe ende nuk është zbardhur vendimi.

Kryesekretarja: I është komunikuar zotërisë vendimi?

Gazetarja: Jo. Domethënë i është komunikuar që është rrëzuar, por nuk është zbardhur që të dimë arsyet.

Kryesekretarja: Arsyet e rrëzimit i ka të shkruara te vendimi.

Gazetarja: Sa është afati për ta zbardhur?

Kryesekretarja: 7 ditë!

Gazetarja: U zbardh?

Kryesekretarja: Është zbardhur, po!

Gazetarja: Po zotëria erdhi qëparë që pyeti për zbardhjen?

Kryesekretarja: Sepse nuk e kanë mbyllur në sistem gabimisht. Në momentin që nuk e mbyllin në sistem, del sikur nuk është dorëzuar, sikur nuk është zbardhur. Unë nga sistemi bëj verifikmet, e kupton?/ TV Klan

vlora

Sondazh

Poll

MË SHUMË