Aktualitet

U kthye i dehur në shtëpi, po shkatërronte orenditë dhe po dhunonte partneren, arrestohet shqiptari në Itali, një karabinier lëndohet duke u përpjekur ta ndalonte

Sipas mediave italiane, ngjarja ka ndodhur në Savena të Bolonjës, teksa i dyshuari u ndalua dhe ndodhet në pritje të gjyqit me procedurë të shkurtuar.

1 Korrik 2025, 16:57 Nga M.B
U kthye i dehur në shtëpi, po shkatërronte orenditë dhe po
Foto ilustruese

ITALIA- Një 33-vjeçar shqiptar është arrestuar në Itali pasi akuzohet se dhunoi partneren e tij pasi shkoi i dehur në shtëpinë ku jetonin, por edhe sulmoi efektivët gjatë ndërhyrjes për ta shoqëruar. Sipas mediave italiane, ngjarja ka ndodhur në Savena të Bolonjës, teksa i dyshuari u ndalua dhe ndodhet në pritje të gjyqit me procedurë të shkurtuar.

Në momentin e mbërritjes karabinierët panë 33-vjeçarin që po shkatërronte shtëpinë dhe po grindej me partneren. Kjo e fundit i informoi se ai ishte kthyer i dehur nga lokali në banesë dhe e kërcënonte. Fillimisht ai u bind ndaj thirrjes së efektivëve për t’u qetësuar, por kur pa partneren që u afrua sërish shpërtheu në akte dhune, që përfshinë edhe karabinierët.

Si pasojë e shtyrjes prej tij, ata u përplasën me derën e jashtme të xhamtë në korridor, e cila u thye, duke lënduar edhe një prej tyre, që u mjekua në urgjencën e spitalit.

italia

Sondazh

Poll

MË SHUMË