Politike

Skandali me charterin 36 mijë euro/ Berisha: Endri Fuga mori avionin në dispozicion për Edi dhe Linda Ramën

Dosja.al, publikoi ditën e djeshme pamjet ekskluzive të Ramës teksa ka zbritur nga charter-i i tipit Gulfstream Aerospace G-IVSP, me regjistrimin “TC-EMR”.

27 Qershor 2025, 13:27 Nga E. D
Skandali me charterin 36 mijë euro/ Berisha: Endri Fuga mori avionin
Sali Berisha

TIRANË-  Kreu i Partisë Demokratike, Sali Berisha, gjatë konferencës për shtyp komentoi edhe udhëtimin e kryeministrit Edi Rama me avionin charter për të udhëtuar në Hagë. Dosja.alpublikoi ditën e djeshme pamjet ekskluzive të Ramës teksa ka zbritur nga charter-i i tipit Gulfstream Aerospace G-IVSP, me regjistrimin “TC-EMR”.

Lideri i opozitës u shpreh se Endri Fuga mori avionin në dispozicion për Edi dhe Linda Ramën dhe kjo aferë sipas tij  mbrohet nga Altin Dumani. Berisha theksoi se me Holandën, Belgjikën ka disa linja të lira çdo ditë dhe Rama me zonjën e tij, mund të udhëtonin me 40-50 euro biletën dhe të paguanin edhe diçka tjetër më shumë si preferencë.

"36 mijë euro merr Endri Fuga, avionin në dispozicion për Edi dhe Linda Ramën. Në një kohë kur 18 përqind e fëmijëve në Shqipëri nuk kanë tre vakte ushqim në ditë. Për mua është abuzim ekstrem me pushtetin. Me Holandën, Belgjikën ka disa linja të lira çdo ditë dhe Ramaduro me zonjën e tij, mund të udhëtonin me 40-50 euro biletën dhe të paguanin edhe diçka tjetër më shumë si preferencë.

Por nuk mundet, u duhet avioni në dispozicion. Por kjo mbrohet nga Altin Troplini se ky është një akt i dënueshëm. Nuk ekziston asnjë ligj, asnjë vendim që e autorizon kryeministrin që të veprojë në këtë mënyrë. Samiti i NATO-s ishte i paralajmëruar muaj më para dhe muaj më parë mund të prenotoheshin biletat. Por jo, do shkonte i kapardisur me çarter pasi shpenzoi 21 milionë euro. A u kujtohet kur u thoshte shqiptarëve se çarteri është më i lirë se biletat? Çfarë mashtrimi bënte. Kështu që nuk mund të mos e dënoj me forcën më të madhe këtë akt," tha Berisha.

sali berisha

Sondazh

Poll