Aktualitet

"E kam shfrytëzuar këtë çështje politikisht!" Publikoi pamjet për atentatin ndaj Ndojës, Valteri: Videon e personave ma tregoi babai i Andi Malokut, pretendonte se i vranë djalin

Valteri tha se kur nxorri videon në parlament, ka përmendur emra dhe oficerë policie që i ka thënë Genci Maloku.

27 Qershor 2025, 13:14 Nga M.B
"E kam shfrytëzuar këtë çështje
Halit Valteri

TIRANA- Ish-deputeti Halit Valteri ka dëshmuar sot në GJKKO në gjyqin për atentatin ndaj ish-prokurorit Arjan Ndoja. Ai ka deklaruar se babai i Andi Malokut, viktimë në atentat, e ka kontaktuar dhe i ka treguar një video të dy personave që ai pretendonte se i kanë vrarë djalin. Gjithashtu Valteri tha se kur nxorri videon në parlament, ka përmendur emra dhe oficerë policie që i ka thënë Genci Maloku. Ai pohoi se e ka shfrytëzuar këtë çështje politikisht për të marrë kredencialet e tij si deputet i opozitës.

Deklarata e Halit Valterit:

Genci Malokun e kam njohur pak ditë pasi djali i tij ndërroi jetë. Erdhi, m’u prezantua dhe më tha: “Më kanë vrarë djalin” dhe shtoi: “Kam videot e atyre që ma kanë vrarë.” Kam bërë interpelancë me ministrin e Brendshëm të asaj kohe, Sandër Lleshaj. Më ka dhënë një tablet ku duken dy persona, një me kapele dhe një pa kapele, dhe ai pretendonte: “Këta ma kanë vrarë djalin.” Ai më tha: “Nëse flet në Parlament, kjo ngjarje do të zbardhet.”

Kam përmendur disa emra dhe oficerë policie, sipas atyre që më ka thënë Genci Maloku. Kam folur në Parlament në emër të Genci Malokut. Pas Parlamentit, më ka telefonuar Ramazan Rraja. E njoh prej kohësh; nuk më ka kërcënuar, por më ka thënë: “Pse na ke përmendur emrat? Pse ke përmendur emrin e Lentit?” Ramazan Rraja më ka telefonuar në telefon, në WhatsApp. E kam shfrytëzuar këtë çështje politikisht për të marrë kredencialet e mia politike si deputet i opozitës.

halit valteri

Sondazh

Poll

MË SHUMË