Politike

SPAK shtyn me 3 muaj hetimet për Ahmetajn, shkak, mosmbërritja e të gjitha përgjigjeve të letër porosisë drejtuar Zvicrës

Sipas SPAK, shkak i shtyrjes është bërë  mosmbërritja ende e të gjitha përgjigjeve të letër porosisë që ka dërguar organi hetues drejt Zvicrës.

25 Qershor 2025, 13:50 Nga M.B
SPAK shtyn me 3 muaj hetimet për Ahmetajn, shkak, mosmbërritja e
Arben Ahmetaj

TIRANA- Prokuroria e Posaçme ka shtyrë sërish me 3 muaj hetimet për ish-zv.kryeministrin Arben Ahmetajn. Sipas SPAK, shkak i shtyrjes është bërë mosmbërritja ende e të gjitha përgjigjeve të letër porosisë që ka dërguar organi hetues drejt Zvicrës.

Arben Ahmetaj ndodhet në arrati që prej muajit korrik të vitit 2023. Ai akuzohet për kryerjen e tre veprave penale: “Pastrim parash”, “fshehje të pasurisë” dhe “korrupsion pasiv”. Ahmetaj dyshohet se gjatë funksionit të tij si ministër, mori disa akte për t’i mundësuar sipërmarrësve lidhjen e kontratave koncesionare.

Ndaj tij, ka edhe hetim pasuror dhe janë vënë në sekuestro dy vila, disa apartamente dhe llogari bankare. Në muajin korrik të vitit 2023, organi i akuzës lëshoi urdhër arresti ndaj tij dhe e shpalli atë në kërkim ndërkombëtar, ndërsa në mars të 2024-s i komunikoi akuzat përmes avokatit të tij ligjor.

arben ahmetaj

Sondazh

Poll

MË SHUMË