Politike

Largimi i ish-kreut të degës Vlorë së PD-së/ Berisha: Si gjeti këtë vlerësim të lartë nga partia e krimit, është puna e tij

Ky i fundit është emëruar në krye të Kadastrës së qytetit të Vlorës. 

25 Qershor 2025, 13:04 Nga M.B
Largimi i ish-kreut të degës Vlorë së PD-së/ Berisha:
Sali Berisha

TIRANA- Kreu i Partisë Demokratike Sali Berisha ka marrë pjesë sot në një konferencë për shtyp ku komentoi largimin e ish-kreut të degës Vlorë së PD-së Genc Deromemaj. Ky i fundit është emëruar në krye të Kadastrës së qytetit të Vlorës. Berisha tha duke ironizuar se "si gjeti këtë vlerësim të lartë nga partia e krimit, është puna e tij".

Pjesë nga fjala e Berishës:

Ky person me një karrierë në PD, po që janë gjëra të zakonshme këto, nuk janë të jashtëzakonshme që njerëzit ndërrojnë parti si ky, para 10 ditëve ka dërguar një mesazh ku më informon se do largohet nga aktiviteti politik përgjithmonë. Në fakt nuk ka pasur një aktivitet, për arsye të veta, nuk e di domethënë.

Por kjo është një zgjedhje e tij dhe unë personalisht e kam thënë dhe e përsëris prapë, thelbin e lirisë e konsideroj të drejtën e zgjedhjes së njeriut. Ai ka bërë një zgjedhje, ka marrë një funksion, ka marrë një post, të cilin një demokrat nuk e merrte kurrë, por zgjedhja është e tij...

...Nuk kam dijeni për asnjë rast tjetër. Nuk kam dijeni, por rasti i tij është evident. Nuk më njoftoi se do merrte një funksion në një vend ku rrinë nga 3 muaj zakonisht, në Vlorë. Por është zgjedhja e tij, kaq është ajo. Investimin ai e ka pasur në PD, se si gjeti këtë vlerësim të lartë nga partia e krimit, është puna e tij, nuk kam dijeni.

sali berisha

Sondazh

Poll

MË SHUMË