Sport

Tare shpall: "Prioritet mesfusha", Leverkuseni hapet tani për Granit Xhakën...

Me nxitjen e vetë mesfushorit zviceran, klubi gjerman është i hapur për largimin e mesfushorit shqiptaro-zviceran për një shifër midis 8 dhe 10 milionë.

25 Qershor 2025, 12:00 Nga DOSJA
Tare shpall: "Prioritet mesfusha", Leverkuseni hapet tani për

ITALI - "Ne po kërkojmë role specifike, prioriteti për momentin është mesfusha për të rritur cilësinë e lojës siç kërkohet nga  Allegri".

Pikërisht në kohën kur drejtori i ri sportiv i Milanit, Igli Tare, po zbulonte planet e klubit për merkaton, nga Gjermania mbërritën lajme se Bayer Leverkusen ishte i hapur, me nxitjen e lojtarit, për shitjen e Granit Xhakës, kapitenit të kombëtares zvicerane dhe shtyllës së klubit gjerman, për një shifër midis 8 dhe 10 milionë eurove.

Një shifër veçanërisht e rëndësishme, sepse pasqyron saktësisht se sa janë të gatshëm të paguajnë "Djajtë" për 33-vjeçarin dhe për këtë arsye e projekton negociatën në një fazë më konkrete se kurrë. 

Operacioni, i cili dukej se kishte ngecur për shkak të kërkesave të Leverkusenit (15 milionë për të shmangur një humbje kapitali), tani është rikthyer në rrugën e duhur.

Vendosmëria e Tares për të marrë Xhakën në Milanello është e dukshme dhe hapja e klubit gjerman ndaj një shifre më modeste tregon një gatishmëri për të negociuar që nuk ishte shfaqur më parë. Dhe gjithashtu tregon se dëshira e lojtarit është të nisë një aventurë të re, ndoshta në një ligë prestigjioze si Serie A dhe në një klub historik si Milani. 

Orët dhe ditët e ardhshme do të bëhen vendimtare për të kuptuar nëse kjo mundësi nga Bayer do të përkthehet në një ofertë zyrtare dhe, më pas, në një “tym të bardhë”.

Mesfusha, siç shpjegoi Tare, është në fakt një departament thelbësor për Milanin dhe shtimi i një lojtari të kalibrit të Xhakës, me aftësinë e tij për të prishur lojën e kundërshtarit dhe për të shkaktuar aksionin ofensiv, mund të bëjë diferencën në lojën e Allegrit dhe gjithashtu në dhomën e zhveshjes, sepse ai do të sillte një mentalitet fituesi dhe një etikë të shkëlqyer pune. 

Ndërkohë, babai i lojtarit duket se po e shtyn Xhakën drejt Milanit: "Tare? E vlerësoj shumë, - deklaroi Ragip Xhaka në mikrofonat e transmetuesit të njohur kosovar Teve1, duke folur për të ardhmen e djalit të tij. - Milani e dëshiron Xhakën. Nuk do të flas për kushtet e marrëveshjes, klubet duhet të gjejnë një marrëveshje midis tyre".

B.T (Dosja.al)

Sondazh

Poll

MË SHUMË