Sport

Gjesti i shkëlqyer e Leo Messit: Ia dha fanelën e tij Jalminias, veteranit brazilian…

Finalja e ndeshjes midis Inter Miami dhe Palmeiras e gjeti Lionel Messin në një ambient shumë të bukur, i cili ia dha fanellën e tij Jalminhas, duke e shoqëruar me një përqafim të ngrohtë me mesfushorin veteran brazilian.

25 Qershor 2025, 08:00 Nga DOSJA
Gjesti i shkëlqyer e Leo Messit: Ia dha fanelën e tij Jalminias,

SHBA - Inter Miami e nisi dobët fushatën e tij në Kupën e Botës për Klube, duke barazuar 0-0 me Al Ahly, por më pas e mori vrullin, me një fitore kundër Portos dhe një barazim kundër Palmeiras, që i siguruan një biletë për në fazat eliminatore.

Atje, Inter Miami do të përballet me Paris Saint-Germain, ish-ekipin e Lionel Messit, në raundin e 16-të, me superyllin argjentinas që do të “vjedhë” shfaqjen pas një barazimi 2-2 me brazilianët.

Dhe kjo për shkak se argjentinasi (ai mbushi 38 vjeç) u rrethua nga disa lojtarë të ekipit kundërshtar për t'i shkëmbyer fanelën, megjithatë, ai e bëri këtë me një yll brazilian nga e kaluara…

Ky është Jalminha, ish-mesfushori i Palmeiras dhe Deportivo La Coruña, me kameran televizive që ka kapur të dy burrat duke zhvilluar një bisedë të bukur, një përqafim edhe më të bukur dhe në finale, Jalminha duke fituar fanelën e ‘Pleshtit’.

"Ne tashmë e njohim njëri-tjetrin. Leo është një fenomen, një lojtar që e adhuroj. Gjithmonë bëj shaka se kur ai luan me top, duhet ta luajë përpara, jo prapa", tha 54-vjeçari brazilian në një intervistë me "Marca", me imazhin e tij duke pozuar i lumtur me fanelën e Messit që padyshim përbën një trashëgimi të rrallë futbollistike.

B.T (Dosja.al)

Sondazh

Poll

MË SHUMË