Sport

Igli Tare zbulon synimet e merkatos së Milanit për këtë verë!

Por mund të ketë shtatë blerje nëse një mbrojtës qendre dhe një sulmues anësor do të largoheshin.

25 Qershor 2025, 00:37 Nga DOSJA
Igli Tare zbulon synimet e merkatos së Milanit për këtë

ITALI - “Nuk është një revolucion, por disa pjesë funksionale do të shtohen për të krijuar një identitet loje ”, shpjegoi Igli Tare filozofinë e merkatos  të Kuqezinjëve në takimin informal me shtypin në Casa Milan. Tare shtoi gjithashtu: “Ne po kërkojmë role specifike, përparësia për momentin është mesfusha për të rritur cilësinë e lojës siç kërkohet nga Allegri .”

Drejtori shqiptar ishte i qartë në lidhje me qendërsulmuesin e ri që do të vijë nga merkato: “Gimenezit i pëlqen të dalë nga zona, prandaj po kërkojmë një lojtar nëntësh të vërtetë, një qendërsulmues klasik si Giroud”. Nuk ka gjasa të jetë një mes Vlahovic dhe Osimhen, të cilët nuk janë marrë kurrë në konsideratë deri më tani. Drejtori sportiv foli gjithashtu për Theo Hernandez : “Ai po kërkonte një përvojë të re”.

Pas përpjekjes së Chelseat, drejtori ekzekutiv Furlani e hoqi Maignan nga merkato: "Ai nuk do të largohet, do të vazhdojë të veshë fanellën e Kuqezinjëve". Milani, duke ndjekur udhëzimet e trajnerit nga Livorno, po kërkon pesë përforcime të tjera: dy mesfushorë, përveç Modricit, dy mbrojtës krahut (një në secilin krah) dhe një qendërsulmues".

Por mund të ketë shtatë blerje nëse një mbrojtës qendre dhe një sulmues anësor do të largoheshin. Tare flet edhe sa i përket Musah: "Ne po kërkojmë lojtarë të ndryshëm nga ai, mesfushorë të përshtatshëm për një mesfushë me tre lojtarë".  

B.T (Dosja.al)

Sondazh

Poll

MË SHUMË