Bota

Izraeli tha se Teherani theu armëpushimin/ Irani e mohon: Nuk kemi lëshuar raketa

Më tej, autoritetet iraniane vlerësojnë popullin iranian për ndërgjegjësimin, qëndresën dhe unitetin e treguar gjatë konfliktit.

24 Qershor 2025, 10:36 Nga E. D
Izraeli tha se Teherani theu armëpushimin/ Irani e mohon: Nuk kemi
foto ilustruese

IRAN- Media shtetërore iraniane i është përgjigjur akuzave të Izraelit, duke thënë se Irani mohon raportet se ka qëlluar një raketë drejt Izraelit pas fillimit të armëpushimit.

Siç raportohet Këshilli i Lartë i Sigurisë Kombëtare të Iranit ka lëshuar një deklaratë zyrtare, ku thuhet se Irani ka imponuar ndalimin e luftës ndaj Izraelit dhe mbështetësve të tij, të cilët i cilëson si terroristë.

Më tej, autoritetet iraniane vlerësojnë popullin iranian për ndërgjegjësimin, qëndresën dhe unitetin e treguar gjatë konfliktit.

“Çdo agresion i mëtejshëm do të përballet me një përgjigje vendimtare, të ashpër dhe në kohën e duhur nga Irani. Fitorja ndaj armikut është rezultat i vendosmërisë së hekurt të popullit, durimit strategjik dhe refuzimit për t’u nënshtruar apo për të pranuar kompromis të njëanshëm”, thuhet në deklaratë.

lufta ne lindjen e mesme shba iran izrael

Sondazh

Poll

MË SHUMË