Politike

VIDEO/ “As më r**het këtu për policinë fare”/ Dogjani ndërron mendje pas disa minutash: Kam respekt maksimal

KAS është shprehur se deputetit iu kërkua të përjashtohet sepse ka shkelur në mënyrë të përsëritur rregullat e vëzhgimit, duke intimiduar numëruesit, si dhe duke kërcënuar dhe ofenduar anëtarët e komisionit.

23 Qershor 2025, 22:45 Nga r.ll
VIDEO/ “As më r**het këtu për policinë fare”/
pamje nga pallati i sportit

TIRANË- Një përplasje e fortë ka ndodhur mes kandidatit të PD-së Asllan Dogjani dhe anëtarit të KAS Ilir Rrusmajli në pallatin e sportit "Fahrije Hoti", gjatë procesit të rinumërimit të votave për qarkun e Tiranës.

Dogjani thotë se një fletë votimi ishte shpallur gabimisht e pavlefshme, ndërsa vota e qytetarit në atë fletë ishte për të. Më tej Dogjani akuzoi Rusmalin se i kanë hequr votat nga 4-5 dhe nuk e lënë as të fusin vëzhgues. Por KAS pretendoi se vota nuk ishte vendosur brenda kutisë së votimit.

DEBATI:

Dogjani: Hajde shife sa e qartë është këtu!

Rusmaili: Shif se të nxjerr policia.

Dogjani: As më rruhet këtu për policinë fare. Hajde shife këtu është e paqartë vota. Vjedh votat ti dhe njofton policinë. Më bën mua presion me policinë ti. Vidhni vota, hajdutë. Nuk është hera e parë, gjithë ato vota që keni vjedhur deri tani. 4-5, 4-2, 4-5 në të gjitha kutitë e votimit. Zotërinj mos u tallni me votat e qytetarëve. Sepse kemi ditë e natë që rrijmë këtu. Hajde shihe se e ka shpreh vullnetin. Hajde shife si e ka shprehur vullnetin qytetari.

Nderkohë në momentin që ka mbërritur policia, për përjashtimin e tij nga ambientet ku po bëhet rinumërimi, Dogjani duket se ka ndërruar mendje. Përkrah një efektivi Dogjani është shprehur se ka respekt maksimal për ta.

asllan dogjani

Sondazh

Poll

MË SHUMË