Sport

“Fitimi i Kupës së Botës nuk mund ta shpëtojë sezonin e Man.Cityt, që s’ka qenë i mirë”

Për trajnerin e Manchester Cityt, Pep Guardiola, fitimi i Kupës së Botës për Klube nuk do të kompensonte sezonin zhgënjyes të klubit, i cili nuk i pa ata të fitonin asnjë trofe përveç Community Shield.

22 Qershor 2025, 18:00 Nga DOSJA
“Fitimi i Kupës së Botës nuk mund ta shpëtojë

SHBA - Fitimi i Kupës së Botës për Klube nuk do ta kompensonte zhgënjimin e sezonit 2024-25 të Manchester Cityt, tha trajneri i Cityt, Pep Guardiola, përpara ndeshjes së tyre të dytë në Grupin G, kundër ekipit arab, Al Ain, në Atlanta, në orën 3 të mëngjesit të së hënës.

I treti në Premier League, trembëdhjetë pikë pas kampionëve të Liverpoolit, i eliminuar në ‘play-off’-et e Ligës së Kampionëve nga Real Madridi (2-3, 1-3), finalist i pafat në Kupë (0-1 kundër Crystal Palace) dhe i eliminuar në raundin e katërt të Kupës së Ligës (nga Tottenhami, 1-2), Manchester City ka fituar vetëm një trofe këtë sezon, Community Shield, kundër rivalit të tij Manchester United (1-1, 7-6 në penallti).

"E kam thënë shumë herë se sezoni nuk ka qenë i mirë," përsëriti Guardiola në një konferencë për shtyp të shtunën. "Fitimi i Kupës së Botës për Klube nuk do ta ndryshojë këtë. Qëllimi im aktual nuk është të fitoj garën, por të zgjas qëndrimin tonë këtu."

Pasi e mposhtën ekipin maroken Wydad Casablanca 2-0 në ndeshjen e tyre të parë, lojtarët e tij do të përpiqen të vazhdojnë performancën e tyre të shkëlqyer kundër Al-Aïn, të cilët u mposhtën 5-0 nga Juventus në ndeshjen e tyre të parë. 

"Tani që jemi këtu, dua të bëj më të mirën time," vazhdoi Guardiola. "Dua ta shijoj këtë moment sepse jemi këtu vetëm një herë në katër vjet... Dhe dua të shkoj sa më larg të jetë e mundur."

B.T (Dosja.al)

 

Sondazh

Poll

MË SHUMË