Aktualitet

Anëtarë të grupeve kriminale dhe të akuzuar nga GJKKO për vrasje, tre shqiptarë të shumëkërkuar ekstradohen nga Dubai

Tre të shumëkërkuarit që do të ekstradohen janë: Ado Xhika alias Ado Cërriku alias Elkier Cërriku, i akuzuar nga GjKKO-ja, se në kuadër të organizatës kriminale, ka përkrahur shtetasin e shumëkërkuar Talo Çela.

19 Qershor 2025, 15:05 Nga DOSJA
Anëtarë të grupeve kriminale dhe të akuzuar nga GJKKO
te arrestuarit

DUBAI- Tre shqiptarë, të akuzuar për përfshirje në grupe kriminale pritet të ekstradohen sot nga Emiratet e Bashkuara Arabe drejt Shqipërisë.

Tre të shumëkërkuarit që do të ekstradohen janë: Ado Xhika alias Ado Cërriku alias Elkier Cërriku, i akuzuar nga GjKKO-ja, se në kuadër të organizatës kriminale, ka përkrahur shtetasin e shumëkërkuar Talo Çela.

Ervis Daka, i akuzuar nga GjKKO-ja, si pjesëtar i një organizate kriminale që ka planifikuar vrasje dhe si përkrahës i një shtetasi të shumëkërkuar.

Maksim Koçi, i akuzuar nga GjKKO-ja, për vrasje dhe sigurim të mjeteve për të kryer vrasje, të kryera në kuadër të organizatës kriminale, si dhe si përkrahës i një shtetasi të shumëkërkuar.

NJOFTIMI I POLICISË: 

Policia e Shtetit

Si rezultat i bashkëpunimit të pandërprerë me partnerët në Emiratet e Bashkuara Arabe, pritet që gjatë ditës së sotme, të finalizohen procedurat për ekstradimin nga Dubai, në Shqipëri, të shtetasve të shumëkërkuar, pjesëtarë të organizatave kriminale:

A. Xh. alias A. C. alias E. C., i akuzuar nga GjKKO-ja, se në kuadër të organizatës kriminale, ka përkrahur një shtetas të shumëkërkuar;

E. D., i akuzuar nga GjKKO-ja, si pjesëtar i një organizate kriminale që ka planifikuar vrasje dhe si përkrahës i një shtetasi të shumëkërkuar;

M. K., i akuzuar nga GjKKO-ja, për vrasje dhe sigurim të mjeteve për të kryer vrasje, të kryera në kuadër të organizatës kriminale, si dhe si përkrahës i një shtetasi të shumëkërkuar.

Në lidhje me orën e mbërritjes, do të ketë një njoftim tjetër.

arrestohet ervis daka ado xhika maksim koçi

Sondazh

Poll

MË SHUMË