Bota

Lufta në Ukrainë, numri i të vdekurve nga sulmet ruse në Kiev rritet në 21

Presidenti ukrainas Volodymyr Zelensky denoncoi një nga sulmet më të këqija të Rusisë kundër Kievit që nga fillimi i pushtimit në shkurt 2022.

18 Qershor 2025, 09:23 Nga r.ll
Lufta në Ukrainë, numri i të vdekurve nga sulmet ruse në
foto nga kievi

KIEV- Numri i të vdekurve nga sulmi masiv rus në Kiev gjatë natës është rritur në 21, kanë njoftuar shërbimet e emergjencës të Ukrainës, ndërsa më shumë trupa u nxorën nga rrënojat.

"Gjithsej 21 persona u vranë në kryeqytet dhe 134 u plagosën", tha shërbimi shtetëror i emergjencës në Telegram. Raportet paraprake të martën e kishin çuar numrin e të vdekurve në të paktën 14.

Presidenti ukrainas Volodymyr Zelensky denoncoi një nga sulmet më të këqija të Rusisë kundër Kievit që nga fillimi i pushtimit në shkurt 2022.

Më shumë se 400 dronë dhe 32 raketa u qëlluan gjatë sulmit, sipas kreut të shtetit. Ministri i Brendshëm ukrainas Igor Klimenko tha se njëzet e shtatë objekte u shënjestruan në kryeqytet .

Në të njëjtën kohë, dy persona të tjerë u vranë dhe 17 u plagosën në një sulm në Odessa, dhe dy të tjerë u vranë në rajonet Sumy dhe Kherson, sipas autoriteteve ukrainase. Qytetet ukrainase janë nën sulme ruse çdo natë, ndërsa bisedimet për një armëpushim janë në një bllokim.

lufta ukraine-rusi

Sondazh

Poll

MË SHUMË