Aktualitet

Trafikimi i qenieve njerëzore dhe droga/ Raporti i KE: Trafikimi i fëmijëve është i lartë, nevojitet përparim në konfiskimin e drogës 

Në Raportin e Komisionit Evropian të siguruar nga Dosja.al, theksohet se Shqipëria ende nuk ka kapacitete për zbulimin, hetimin dhe ndjekjen penale të rrjeteve të trafikimit të qenieve njerëzore.

16 Qershor 2025, 22:39 Nga I.A
Trafikimi i qenieve njerëzore dhe droga/ Raporti i KE: Trafikimi i
Foto Ilustruese

TIRANË- Trafikimi i qenieve njerëzore në Shqipëri mbetet shqetësim i lartë për Komisionin Evropian. Në Raportin e Komisionit Evropian të siguruar nga Dosja.al, theksohet se Shqipëria ende nuk ka kapacitete për zbulimin, hetimin dhe ndjekjen penale të rrjeteve të trafikimit të qenieve njerëzore.

Në raport thuhet gjithashtu nevojitet përmirësim i mëtejshëm i kuadrit ligjor dhe institucional mbi politikën e drogës, si dhe përparim në zhvillimin e historikut të sekuestrimit dhe konfiskimit të drogës.

Pjesë nga raporti: 

Lufta kundër trafikimit të qenieve njerëzore

Pavarësisht miratimit të planit kombëtar të veprimit për luftën kundër trafikimit të qenieve njerëzore (2024-2025) në korrik 2024, Shqipëria ende nuk ka kapacitete për zbulimin, hetimin dhe ndjekjen penale të rrjeteve të trafikimit të qenieve njerëzore. Trafikimi i fëmijëve është veçanërisht i lartë: në vitin 2023 fëmijët përbënin 66% të viktimave të mundshme dhe të konfirmuara. Zbatimi i plotë i Mekanizmit Kombëtar të Referimit për viktimat e trafikimit është ende i nevojshëm.

Bashkëpunimi në fushën e drogës

Lidhur me bashkëpunimin në fushën e drogës, Shqipëria krijoi një Sistem Kombëtar të Paralajmërimit të Hershëm, megjithëse funksionaliteti dhe personeli i tij mbeten për t'u rritur. Nevojitet përmirësim i mëtejshëm i kuadrit ligjor dhe institucional mbi politikën e drogës, si dhe përparim në zhvillimin e historikut të sekuestrimit dhe konfiskimit të drogës.

raporti i ke

Sondazh

Poll

MË SHUMË