Aktualitet

Hetimet financiare për krimin e organizuar/ Raporti i KE: Shqipëria ende nuk ka një praktikë të besueshme

Në raportin e siguruar nga Dosja.al theksohet se Shqipëria ende nuk ka demonstruar një praktikë të besueshme dhe të qëndrueshme të nisjes së hetimeve financiare paralele në rastet që lidhen me krimin e rëndë dhe të organizuar.

16 Qershor 2025, 22:36 Nga I.A
Hetimet financiare për krimin e organizuar/ Raporti i KE: Shqipëria
foto ilustruese

TIRANË- Komisioni Evropian ka ngritur shqetësime në lidhje me hetimet financiare për krimin e organizuar. Në raportin e siguruar nga Dosja.al theksohet se Shqipëria ende nuk ka demonstruar një praktikë të besueshme dhe të qëndrueshme të nisjes së hetimeve financiare paralele në rastet që lidhen me krimin e rëndë dhe të organizuar.

Sipas raportit të KE Shqipëria pritet të ndërmarrë veprime konkrete për të rritur njohuritë e prokurorisë, gjyqësorit dhe organeve të ndryshme të zbatimit të ligjit mbi krimet financiare.

"Shqipëria ende nuk ka demonstruar një praktikë të besueshme dhe të qëndrueshme të nisjes së hetimeve financiare paralele në rastet që lidhen me krimin e rëndë dhe të organizuar. Kapacitetet e shërbimeve të prokurorisë dhe autoriteteve të zbatimit të ligjit për të kryer sistematikisht hetime financiare krahas procedurave penale duhet të rriten. Megjithatë, kapaciteti i SPAK-ut në hetimet financiare është përmirësuar dhe qasja e tij në bazat e të dhënave shtetërore është zgjeruar. Shqipëria pritet të ndërmarrë veprime konkrete për të rritur njohuritë e prokurorisë, gjyqësorit dhe organeve të ndryshme të zbatimit të ligjit mbi krimet financiare, duke përfshirë mjetet e sofistikuara të përdorura nga rrjetet e krimit të organizuar dhe teknikat e pastrimit të parave," thuhet në raport. 

Hetimet financiare për krimin e organizuar/ Raporti i KE: Shqipëria
Raporti

raporti i ke

Sondazh

Poll

MË SHUMË