Aktualitet

Parandalohet ngjarja kriminale në një familje në Tiranë/ 37-vjeçari dhunoi dhe kanosi bashkëshorten, vihet në pranga, sekuestrohet arma e gjahut

I arrestuari është identifikuar me inicialet A.B. Ngjarja mësohet se është regjistruar ditën e djeshme në prani të fëmijës.

16 Qershor 2025, 12:17 Nga N.F
Parandalohet ngjarja kriminale në një familje në Tiranë/
Foto

TIRANË- Një 37-vjeçar është vënë në pranga nga policia në Tiranë. Arrestimi i tij ka ardhur pasi 37-vjeçari ushtronte dhunë ndaj bashkëshortes së tij dhe po e kanoste atë me mjet prerës. Policia menjëherë ka ndërhyrë dhe e ka vënë në pranga.

I arrestuari është identifikuar me inicialet A.B. Ngjarja mësohet se është regjistruar ditën e djeshme në prani të fëmijës. Gjatë kontrollit në banesë u gjet një armë gjahu që 37-vjeçari e mbante pa leje. Arma e gjahut dhe mjeti prerës i dyshuar i përdorur për kanosjen u sekuestruan në cilësinë e provës materiale.

Njoftimi i policisë:

DVP Tiranë/ Si rezultat i ndërhyrjes në kohë dhe i veprimeve profesionale të shërbimeve të Komisariatit të Policisë Nr. 6, parandalohen ngjarje kriminale në një familje. Arrestohet në flagrancë një 37-vjeçar që ushtroi dhunë ndaj bashkëshortes së tij dhe e kanosi atë, me mjet prerës. Sekuestrohen 1 armë gjahu që e posedonte 37-vjeçari, në banesë, dhe mjeti prerës.

Shërbimet e Komisariatit të Policisë Nr. 6, pas marrjes së njoftimit se në fshatin Pezë Helmes, një shtetas po ushtronte dhunë ndaj bashkëshortes së tij dhe po e kanoste atë, me mjet prerës, kanë organizuar menjëherë punën për parandalimin e ngjarjes së mundshme kriminale, dokumentimin e plotë ligjor të rastit dhe vënien e autorit të dyshuar përpara përgjegjësisë penale.

Si rezultat i veprimeve të shpejta është bërë neutralizimi, kapja dhe arrestimi në flagrancë i shtetasit A. B., 37 vjeç. Ky shtetas, ditën e djeshme, në banesë, dyshohet se ka ushtruar dhunë ndaj bashkëshortes së tij dhe e ka kanosur atë me mjet prerës, në prezencë të fëmijës së tyre.

Gjatë kontrollit në banesë, shërbimet e Policisë gjetën një armë gjahu që 37-vjeçari e mbante pa leje. Arma e gjahut dhe mjeti prerës i dyshuar i përdorur për kanosjen u sekuestruan në cilësinë e provës materiale. Materialet procedurale i kaluan Prokurorisë së Tiranës, për veprime të mëtejshme.

dhune ne familje

Sondazh

Poll

MË SHUMË