Bota

Konflikti në Lindjen e Mesme/ Ambasada ruse në Tel Aviv drejtuar qytetarët të saj: Largohuni nga këtu, kërcënimi për jetën është mjaft real

Ambasadori tha se po shqyrtohen plane emergjente në rast se një evakuim më i gjerë bëhet i nevojshëm.

16 Qershor 2025, 11:21 Nga M.B
Konflikti në Lindjen e Mesme/ Ambasada ruse në Tel Aviv drejtuar
Foto ilustruese

LINDJE E MESME- Ambasada e Rusisë në Tel Aviv u ka bërë thirrje qytetarëve të saj të largohen nga atje. Ambasadori rus Anatoly Viktorov tha për mediat shtetërore këtë të hënë se të gjithë qytetarët rusë që janë në Izrael duhet të largohen nga vendi derisa situata të normalizohet. Ai i ka këshilluar qytetarët të largohen përmes Egjiptit, ku kanë qasje pa viza dhe mund të marrin fluturime për t’u kthyer në Rusi. Ambasadori tha se po shqyrtohen plane emergjente në rast se një evakuim më i gjerë bëhet i nevojshëm. 

“Situata është e tensionuar, duhet ta pranoj. Kërcënimi për jetën dhe shëndetin si të diplomatëve ashtu edhe të qytetarëve rusë në Izrael është mjaft real", tha ai.

Ambasada e Rusisë në Teheran pezulloi përkohësisht aktivitetin në konsullatën e saj atje dhe tërhoqi një grup qytetarësh të saj nga vendi. Pas paralajmërimeve zyrtare të premten e kaluar, autoriteti i aviacionit civil të Rusisë urdhëroi linjat ajrore të pezullonin fluturimet për në Iran dhe Izrael dhe të shmangnin hapësirën ajrore mbi këto vende, si dhe Jordaninë dhe Irakun, të paktën deri më 26 qershor.

lindje e mesme

Sondazh

Poll

MË SHUMË