Aktualitet

U kap në flagrancë duke u kujdesur për bimët narkotike që kishte kultivuar, arrestohet 59-vjeçari në Roskovec

Arrestimi i tij ka ardhur pasi u kap në flagrancë teksa ujiste bimët narkotike që kishte kultivuar.

16 Qershor 2025, 09:32 Nga N.F
U kap në flagrancë duke u kujdesur për bimët narkotike
Arrestimi

ROSKOVEC- Një 59-vjeçar është vënë në pranga nga policia në Roskovec. Arrestimi i tij ka ardhur pasi u kap në flagrancë teksa ujiste bimët narkotike që kishte kultivuar.

Policia bën me dije se 59-vjeçari me inicialet F.R. po kujdesej për 22 bimët e dyshuara narkotike Cannabis Sativa që kishte kultivuar në afërsi të përroit të fshatit ku banonte. Bimët janë asgjësuar përmes djegies.

Njoftimi i policisë:

Roskovec/Vijon plani operacional kombëtar, i koduar “Koordinata”, me objektiv parandalimin dhe goditjen e kultivimit të bimëve narkotike. U kap në flagrancë, duke u kujdesur për bimët narkotike që kishte kultivuar në afërsi të përroit të fshatit ku banonte, arrestohet 59-vjeçari.

Asgjësohen nëpërmjet djegies, bimët narkotike. Në kuadër të planit operacional “Koordinata”, si rezultat i kontrolleve sistematike dhe atyre të bazuara te informacionet e siguruara nga inteligjenca policore, shërbimet e Komisariatit të Policisë Fier goditën një tjetër rast të veprimtarisë kriminale të kultivimit të bimëve narkotike.

Për rastin u vu në pranga shtetasi F. R., 59 vjeç, banues në fshatin Vlosh. Ai u kap në flagrancë, duke u kujdesur për 22 bimët e dyshuara narkotike Cannabis Sativa që kishte kultivuar në afërsi të përroit të fshatit ku banonte.

Kontrollet në kuadër të planit operacional “Koordinata”, vijojnë. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

arrestohet 59-vjeçari në roskovec

Sondazh

Poll

MË SHUMË