Politike

Sot seancë plenare, ja për çfarë do të diskutohet në Kuvend

Seanca e kaluar më 12 qershor u anullua përshkak të mungesës së kryeparlamentares, Elisa Spiropali.

16 Qershor 2025, 07:58 Nga N.F
Sot seancë plenare, ja për çfarë do të diskutohet
Foto

TIRANË- Kuvendi i Shqipërisë do të mblidhet sot në seancën e radhës. Raportohet se seanca do të nisë në orën 13:00. Seanca e kaluar më 12 qershor u anullua përshkak të mungesës së kryeparlamentares, Elisa Spiropali.

Kjo u njoftua në mbledhjen e fundit të Konferencës së Kryetarës, ku u bë me dije se Spiropali atë ditë do të merrte pjesë në një samit në Ukrainë. Në rendin e ditës pritet të miratohet proces verbali i seancës plenare të 5 qershorit. Gjithashtu në rend dite do të përfshihen çështje si Projektligji “Për performancën energjetike të ndërtesave”.

Njoftimi:

Në mbështetje të nenit 7, pika 6, dhe nenit 27/1 të Rregullores së Kuvendit, bazuar në kalendarin e punimeve për periudhën 29 maj – 18 qershor 2025, URDHËROJ: I. Mbledhjen e Kuvendit në seancë plenare në datën 16.6.2025, ora 13:00. II.

Rendi i ditës i seancës plenare është si më poshtë:

1. Miratimi i procesverbalit të seancës plenare të datës 5.6.2025.

2. Njoftime.

3. Projektligji “Për performancën energjetike të ndërtesave”.

4. Diskutime për çështje jashtë rendit të ditës.

III. Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.

IV. Ky urdhër hyn në fuqi menjëherë.

kuvendi i shqiperise

Sondazh

Poll

MË SHUMË