Aktualitet

EMRI/ Plagosi 15-vjeçarin në një piceri në Ali Dem, arrestohet autori

Dy ditë pas ngjarjes blutë blutë kanë bërë të mundur prangosjen e 21-vjeçarit Aldo Neziri.

3 Qershor 2025, 19:13 Nga E. D
EMRI/ Plagosi 15-vjeçarin në një piceri në Ali Dem,
foto ilustruese

TIRANË- Policia ka arrestuar sot autorin e plagosjes së kamarierit 15-vjeçar në një piceri në rrugën Ali Demi në Tiranë. Dy ditë pas ngjarjes blutë blutë kanë bërë të mundur prangosjen e 21-vjeçarit Aldo Neziri. Ai akuzohet për plagosje të rëndë me dashje si dhe për armëmbajtje pa leje.

Ndërkohë, i mituri që mbeti i plagosur vijon të marrë trajtim mjekësor në spitalin e Traumës, edhe pse ndodhet jashtë rrezikut për jetën.

Njoftimi i Policisë:

Drejtoria Vendore e Policisë Tiranë Plagosi me armë atipike, për motive të dobëta 15-vjeçarin në një piceri te “Ali Demi” si rezultat i kontrolleve të pandërprera, bazuar edhe në inteligjencën policore, kapet dhe vihet në pranga nga Policia.

Dje u arrestuan edhe 3 punonjës të picerisë, pasi dyshohet se kanë pastruar vendin e ngjarjes dhe kanë hequr DVR-në e kamerës së sigurisë në piceri. Vijon puna për kapjen e administratorit të picerisë.

Specialistët për Hetimin e Krimeve të Komisariatit të Policisë Nr. 1, si rezultat i kontrolleve të pandërprera, bazuar në inteligjencën policore, kapën dhe ndaluan shtetasin A. N., 21 vjeç, banues në Tiranë.

Ndalimi i tij u bë pasi, më datë 01.06.2025, në një piceri te “Ali Demi”, gjatë një konflikti për motive të dobëta, plagosi me armë atipike një 15-vjeçar.

Materialet procedurale do t’i kalojnë Prokurorisë për veprime të mëtejshme, për veprat penale “Plagosje e rëndë me dashje” dhe “Prodhimi dhe mbajtja pa leje e armëve luftarake dhe e municionit”, në ngarkim të 21-vjeçarit.

aldo neziri

Sondazh

Poll

MË SHUMË