Aktualitet

I shpalluar në kërkim ndërkombëtar për mashtrim, arrestohet në Tiranë 26-vjeçari nga Kazakistani

Ky shtetas u arrestua me qëllim ekstradimin në Kazakistan, pasi Gjykata për Hetimet Speciale e Almaty, Kazakistan, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Kazakistanit.

28 Maj 2025, 12:02 Nga E. D
I shpalluar në kërkim ndërkombëtar për mashtrim,
foto ilustruese

TIRANË- Policia e Tiranë ka arrestua një 26-vjeçar nga Kazakistani. I riu ishte i shpallur në kërkim ndërkombëtar për mashtrim. Ky shtetas u arrestua me qëllim ekstradimin në Kazakistan, pasi Gjykata për Hetimet Speciale e Almaty, Kazakistan, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Kazakistanit. Interpol Tirana, në bashkëpunim me autoritetet ligjzbatuese të Kazakistanit, vijon procedurat për ekstradimin e këtij shtetasi.

Njoftimi i policisë:

Finalizohet operacioni policor i koduar “Fugitive”. Kapet në Tiranë dhe arrestohet me qëllim ekstradimin në Kazakistan, 1 shtetas i shpallur në kërkim ndërkombëtar për mashtrim.

Në vijim të punës për lokalizimin dhe kapjen e shtetasve në kërkim ndërkombëtar, bazuar dhe në informacionet e siguruara për vendndodhjen e një shtetasi në kërkim, specialistët për Hetimin e Krimit Ekonomik dhe Financiar të DVP Tiranë shkëmbyen informacion me Interpol Tiranën dhe organizuan punën për lokalizimin dhe kapjen e tij.

Si rezultat, në bulevardin “Gjergj Fishta”, u kap dhe u vu në pranga shtetasi nga Kazakistani, A. T., 26 vjeç. Ky shtetas u arrestua me qëllim ekstradimin në Kazakistan, pasi Gjykata për Hetimet Speciale e Almaty, Kazakistan, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Kazakistanit. Interpol Tirana, në bashkëpunim me autoritetet ligjzbatuese të Kazakistanit, vijon procedurat për ekstradimin e këtij shtetasi.

policia e tiranes

Sondazh

Poll

MË SHUMË