Aktualitet

U paraqitën në spital me të vjella dhe temperaturë/ Helmohen nga ushqimi 70 fëmijë në një kopësht në Gramsh, analizat zbuluan prani të bakterit të salmonelës

Fillimisht prindërit kishin dyshuar për gjendje gripale të fëmijëve, por analizat  e kryera treguan se ata ishin helmuar nga ushqimi.

24 Maj 2025, 16:36 Nga N.F
U paraqitën në spital me të vjella dhe temperaturë/ Helmohen
Foto

GRAMSH- 70 fëmijë të një kopshti në Gramsh janë helmuar nga ushqimi. Raportohet se analizat te fëmijëve treguan prani të madhe të bakterit të salmonelës. Dyshimet paraprake janë se helmimi ka ardhur nga ushqimi i ofruar nga kompania e shërbimit katering. 

Një grup i madh i fëmijëve gjatë këtyre ditëve është paraqitur me shqetësime dhe të vjella në spitalin e qytetit të Gramshit dhe kjo ka alarmuar prindërit. Ata i janë nënshtruar kontrolleve mjekësore dhe analizave por ende nuk ka asnjë reagim zyrtar lidhur me situatën që dyshohet se është edhe më e rëndë sesa thuhet paraprakisht pasi analizat kanë treguar prani të madhe të bakterit të salmonelë.

Fillimisht prindërit kishin dyshuar për gjendje gripale të fëmijëve, por analizat  e kryera treguan se ata ishin helmuar nga ushqimi. Helmimi u shkaktoi temperaturë të lartë, përzierje dhe dhimbje të forta koke.

helmim

Sondazh

Poll