Sport

FC Barcelona do të shkelë në Camp Noun e rinovuar, për Trofeun Gamper…

Presidenti i FC Barcelona-s, Joan Laporta, njoftoi të hënën se, "nëse gjithçka shkon mirë", klubi katalanas duhet të kthehet në stadiumin e rinovuar Camp Nou për Trofeun Gamper në fillim të gushtit.

20 Maj 2025, 08:00 Nga DOSJA
FC Barcelona do të shkelë në Camp Noun e rinovuar, për

SPANJE - FC Barcelona ndoshta luajti ndeshjen e tyre të fundit në stadiumin olimpik në Montjuic, të dielën kundër Villarreal (2-3).

Presidenti i Barcelonës, Joan Laporta, njoftoi të hënën se Blaugranët do të përfitojnë nga Trofeu Gamper, që tradicionalisht mbahet në fillim të gushtit, për të dalë përsëri në fushën e Camp Nou, e cila ka qenë në ndërtim e sipër për gati dy vjet. Kjo ndeshje miqësore do t'u lejonte kampionëve spanjolë të kryenin një provë në stadiumin e tyre të rinovuar rishtazi, para fillimit të sezonit.

"Plani është që me fillimin e La Ligas të luajmë jashtë fushe në ndeshjet e para të kampionatit dhe pastaj të kthehemi në Spotify Camp Nou pas pushimit ndërkombëtar në shtator", zbuloi gjithashtu ish-politikani në një intervistë me TV3, një kanal televiziv katalanas.

E nisur në qershor të vitit 2023, puna e modernizimit, e cila duhet të lejojë që Camp Nou të akomodojë 105.000 spektatorë, është ngadalësuar për shkak të problemeve me lejet dhe ankesave nga disa punëtorë në lidhje me kushtet e tyre të punës.

B.T (Dosja.al)

Sondazh

Poll

MË SHUMË