Politike

"Zgjedhje farsë dhe narko-shtet"/ Berisha mesazh Ramës: Në Europë nuk shkon kurrë me vota të vjedhura

Ai tha se zgjedhjet u zhvilluan në klimë terrori, ndërsa Kryeministri përdori administratën në makineri elektorale, duke falur gjobat, zhvilluar tendera e prokurime për investime publike në periudhën e fushatës zgjedhore.

16 Maj 2025, 16:15 Nga E. D
"Zgjedhje farsë dhe narko-shtet"/ Berisha mesazh Ramës:
sali berisha

BRUKSEL- Kreu i Partisë Demokratike, Sali Berisha, përmes një postimi në Facebook ka dhënë një mesazh për Kryeministrin Edi Rama. Në postimin e tij Berisha i drejtohet Ramës duke i thënë se në europë nuk shkon kurrë me vota të vjedhura, zgjedhje farsë dhe narko-shtet. 

Ky është mesazhi i Kryedemokratiti pak para protestës së thirrur sot pasdite, në orën 17:00, si një akt ndaj manipulimit të rezultatit të zgjedhjeve, duke i quajtur procesin më të grabitur ndonjëherë në historinë shqiptare.

Po sot Lideri i Partisë Demokratike Sali Berisha, demaskoi farsën zgjedhore të 11 majit në Samitin e IDU në Bruksel. Gjatë fjalës së tij, Berisha u shpreh se narkoshteti vodhi zgjedhjet.

Ai tha se zgjedhjet u zhvilluan në klimë terrori, ndërsa Kryeministri përdori administratën në makineri elektorale, duke falur gjobat, zhvilluar tendera e prokurime për investime publike në periudhën e fushatës zgjedhore.

Gjatë fushatës, Kryeministri dha 138 licenca për mbjelljen e dhjetëra mijëra rrënjëve kanabisi, tha Berisha ndërsa kërkoi mbështetjen e IDU-s që në Shqipëri të zhvillohen zgjedhje të lira.

sali berisha

Sondazh

Poll