Politike

Patronazhistët e PS-së 'aksion' në blerjen e votave/ Raporti i OSBE/ODIHR paraqet qarqet ku u kërcënuan dhe frikësuan votuesit

Ndërkohë, përfaqësuesi i Parlamentit Europian në këtë mision vëzhgimi ishte i prerë, duke deklaruar se me këto zgjedhje dhe në këto kushte ku ndodhet vendi, nuk mund të ketë integrim në Bashkimin Europian.

12 Maj 2025, 19:36 Nga M.L
Patronazhistët e PS-së 'aksion' në blerjen e votave/
Foto ilustruese

TIRANË- OSBE/ODIHR zhvilluan sot një konferencë në kryeqytet ku dhanë vlerësimet për procesin e zgjedhjeve në Shqipëri. Në raportin e saj, OSBE-ja paraqiti kritika ndaj grupeve të krimit të organizuar që frikësonin dhe kërcënonin votuesit ose kandidatët. Më tej raporti përfshin çështje të tjera shqetësuese si; blerja e votës, përpjekje për të ndikuar padrejtësisht te votuesit e margjinalizuar si edhe ndikimi e dyshuar të elementëve kriminalë në disa parti politike. 

Raporti/ OSBE-ODIHR

Akuza specifike për blerje votash u bënë në Elbasan, Korçë, Mirditë, Shkodër dhe Tiranë. Akuza të tilla iu bënë Misionit të ODIHR-it në Durres, Elbasan, Tiranë dhe Vorë, ku autori i dyshuar u raportua se ishte i lidhur me një grup të organizuar kriminal. Gjatë fushatës u vunë re disa akuza për blerje votash dhe u nisën hetime në 37 raste.

Një numër bashkëbiseduesish të Misionit të ODIHR-it bënë akuza për lidhje midis partive politike dhe krimit të organizuar në disa zona, me grupe të krimit të organizuar që frikësojnë dhe kërcënojnë votuesit dhe, ndonjëherë, kandidatët. Çështje të tjera shqetësuese përfshijnë raportet e blerjes së votave, përpjekjet për të ndikuar padrejtësisht te votuesit e margjinalizuar dhe ndikimin e dyshuar të elementëve kriminalë në disa parti politike. Presionet nga pushteti depërtuan edhe në Komisionet e Votimit, ç’ka solli shpesh deformim të hapur të vullnetit të votuesve.

osbe/odihr zgjedhjet e 11 majit

Sondazh

Poll