Politike

"Sovrani foli, vota është në duart e komisionerëve", Berisha: Në Durrës, bandat e Pojës dhe Troplinit vërshuan drejt KZAZ-ve, për të ndikuar në rezultat

Berisha tha se në zonat e qendrës së djathtë ka një rritje të ndjeshme të elektoratit.

11 Maj 2025, 20:34 Nga r.ll
"Sovrani foli, vota është në duart e
sali berisha

TIRANË- Kryetari i Partisë Demokratike, Sali Berisha ka dalë në një konferencë për mediat pas përfundimit të procesit të votimit. Berisha tha se në zonat e qendrës së djathtë ka një rritje të ndjeshme të elektoratit, ndërsa u shpreh se vota është tashmë në duart e komisionerëve. 

Kryedemokrati hodhi akuza të rënda se banda kriminale me urdhër të kryeministrit Edi Rama kanë rrethuar KZAZ, me qëllim ndikimin në rezultat.

Berisha: Të dhëna operative nga mbarë vendi dëshmojnë se në zonat tradicionale të qendrës së djathtë ka një rritje të ndjeshme të elektoratit dhe priten konform kësaj rritje edhe rezultatet me një optimizëm të vërtetë. Por unë jam këtu para jush për të deklaruar se sovrani foli. Vota është në duart e komisionerëve, në përgjegjësinë më të madhe.

Në Durrës, bandat e Pojës, e Troplinit, kanë vërshuar drejt KZAZ-ve me urdhrin nga Edi Rama se mund të ndikojnë në rezultat. Kjo nuk është vetëm në Durrës, por ata janë më aktivë, janë denoncuar, qoftë nga mediat, qoftë nga PD dhe në zonat e tjera Edi Rama ka zgjedhur një lloj presioni drejt KZAZ-ve. Tani, porosia ime e prerë për të gjithë komisionerët tanë në KZAZ, në komisionet e numërimit, të zbatohet ligji, ligji dhe vetëm ligji. Asnjë votë nuk mund dhe nuk duhet të numërohet në presion.

sali berisha

Sondazh

Poll

MË SHUMË