Bota

80-vjetori i fitores së BS mbi Gjermaninë naziste/ Vuçiç mbërrin në Moskë dhe sfidon BE-në: I bindur se Serbia do të mbetet në rrugën evropiane

Sipas mediave të huaja, Vuçiç tha se është gati të marrë përgjegjësi personale për këtë vizitë.

8 Maj 2025, 15:49 Nga M.B
80-vjetori i fitores së BS mbi Gjermaninë naziste/ Vuçiç
Aleksandër Vuçiç

MOSKA- Presidenti serb, Aleksandër Vuçiç ka mbërritur në Moskë të Rusisë, në prag të paradës së 9 majit, pavarësisht paralajmërimeve për rreziqet për pranimin e Serbisë në BE. Sipas mediave të huaja, Vuçiç tha se është gati të marrë përgjegjësi personale për këtë vizitë. Ai konfirmoi se është i vetëdijshëm për pasojat e ardhshme të vizitës së tij në Moskë.

“Jam i bindur se Serbia do të mbetet në rrugën evropiane. Nëse BE-ja dëshiron të ndëshkojë dikë, le të më ndëshkojë mua. Do ta pranoj ndëshkimin dhe do të kërkoj që të mos e ndëshkojnë të gjithë vendin”, ka thënë Vuçiç, duke iu referuar paralajmërimeve të mëparshme të BE-së.

Fluturimi i presidentit serb për në Moskë bëri një ndalesë në Azerbajxhan, ndërsa sulmet me dronë ukrainas detyruan aeroportet në të gjithë Rusinë të ndalonin udhëtimet për disa orë, raportuan mediat serbe dhe ruse të mërkurën.

Vuçiç është midis shumë udhëheqësve botërorë që pritet të marrin pjesë në paradën e 9 majit në Sheshin e Kuq që shënon 80 vjetorin e fitores së Bashkimit Sovjetik mbi Gjermaninë naziste. Në mesin e prillit, udhëheqësit e vendeve evropiane e paralajmëruan presidentin serb Aleksandër Vuçiç për pasojat e udhëtimit të tij të mundshëm në Moskë më 9 maj për paradën ushtarake të organizuar nga presidenti rus Vladimir Putin.

vucic ne moske

Sondazh

Poll

MË SHUMË