Bota

Avioni i tyre u detyrua të bënte ulje emergjente, pesë persona mbijetuan 36 orë në një kënetë të rrethuar nga krokodilët

Piloti u tha mediave lokale se një defekt në motor kishte shkaktuar një ulje emergjente pranë lumit Itanomas gjatë një fluturimi nga Baures në Bolivinë veriore drejt qytetit të Trinidadit.

3 Maj 2025, 21:07 Nga r.ll
Avioni i tyre u detyrua të bënte ulje emergjente, pesë persona
pamje nga shpetimi i personave

AMAZONË- Pesë persona janë shpëtuar pa lëndime, pasi kaluan 36 orë në majë të një aeroplani në një kënetë të mbushur me krokodilë në Amazonë, pasi ai u detyrua të bënte një ulje emergjente. Aeroplani i vogël u gjet nga peshkatarët vendas në rajonin e Amazonas të Bolivisë të premten, pasi kishte qenë i zhdukur prej 48 orësh.

Të mbijetuarit, tre gra, një fëmijë dhe piloti 29-vjeçar, u shpëtuan në "gjendje të shkëlqyer", tha Wilson Avila, drejtor i qendrës së operacioneve emergjente të Departamentit të Benit, shkruan BBC.

Piloti u tha mediave lokale se një defekt në motor kishte shkaktuar një ulje emergjente pranë lumit Itanomas gjatë një fluturimi nga Baures në Bolivinë veriore drejt qytetit të Trinidadit. Andres Velarde tha se avioni kishte filluar papritur të humbiste lartësinë dhe ai ishte detyruar ta ulte mjetin në një kënetë pranë një lagune.

Pesë personat që kishin qenë në bord qëndruan sipër aeroplanit dhe ishin të rrethuar nga krokodilë që ishin vetëm tre metra larg tyre. Velarde shtoi se besonte se rrjedhja e benzinës nga aeroplani i kishte mbajtur grabitqarët larg. Ata panë gjithashtu një anakondë në ujë, tha ai. Ndërsa prisnin shpëtimin, ata hëngrën miell manioku vendas që kishte sjellë njëri prej pasagjerëve. Pasi peshkatarët zbuluan mjetin lundrues, një helikopter u dërgua për të transportuar të mbijetuarit në spital.

amazone

Sondazh

Poll

MË SHUMË