Aktualitet

Tentoi të fuste me kamion në Shqipëri 116 celularë e 18 shishe verë, në pranga 38-vjeçari në Durrës

Bëhet e ditur se në pranga ka rënë 38-vjeçari i identifikuar si Ronaldi Ago. Gjithashtu blutë kanë sekuestruar mallrat dhe kamionin, me cilësinë e provës materiale. Ndërkohë materialet procedurale iu referuan Prokurorisë së Durrësit, për veprime të mëtejshme.

3 Maj 2025, 13:36 Nga E. D
Tentoi të fuste me kamion në Shqipëri 116 celularë e 18
foto ilustruese

DURRËS- Një 38-vjeçar është arrestuar nga Policia e Durrësit pasi tentoi të fuste me kamion në Shqipëri 116 celularë dhe 18 shishe me verë, të kontrabanduara dhe pa i deklaruar. Bëhet e ditur se në pranga ka rënë 38-vjeçari i identifikuar si Ronaldi Ago. Gjithashtu blutë kanë sekuestruar mallrat dhe kamionin, me cilësinë e provës materiale. Ndërkohë materialet procedurale iu referuan Prokurorisë së Durrësit, për veprime të mëtejshme.

Njoftim i policisë:

Në vijim të kontrolleve intensive në hyrje/dalje, nga shërbimet e Policisë Kufitare të portit të Durrësit, në bazë të analizës së riskut dhe kundër paligjshmërive në kufi, u krye kontroll në hyrje të Shqipërisë, në kamionin që drejtonte shtetasi R. A., 38 vjeç, banues në Devoll.

Nga kontrollet në mjet u gjetën 116 celularë dhe 18 shishe me verë, të dyshuara të kontrabanduara me qëllim shitjen në Shqipëri, sepse nuk ishin të pajisura me fatura blerjeje. Shtetasi R. A. synonte t’i fuste mallrat në Shqipëri, pa i deklaruar në PKK, konform ligjit.

Në përfundim të veprimeve procedurale për këtë rast, në kuadër të operacionit “In”, 38-vjeçari u arrestua në flagrancë dhe mallrat u sekuestruan me cilësinë e provës materiale. Materialet procedurale iu referuan Prokurorisë së Durrësit, për veprime të mëtejshme.

policia e durresit

Sondazh

Poll