Aktualitet

U kapën në flagrancë duke vjedhur në një kompleks në rrugën “Fejzi Himzo”, vihen në pranga 2 persona në Tiranë

Policia bën me dije se ka zbardhur edhe dy vjedhje të tjera të ndodhura në muaj mars dhe prill të kryera po nga dy të arrestuarit.

3 Maj 2025, 10:26 Nga N.F
U kapën në flagrancë duke vjedhur në një kompleks
Të arrestuarit

TIRANË- Dy persona janë vënë në pranga në Tiranë. Mësohet se arrestimi i tyre ka ardhur pasi ata janë kapur në flagrancë duke  vjedhur në një kompleks në rrugën “Fejzi Himzo”.

Policia bën me dije se ka zbardhur edhe dy vjedhje të tjera të ndodhura në muaj mars dhe prill të kryera po nga dy të arrestuarit. Në pranga janë vënë 51-vjeçari me inicialet P. M. dhe 39-vjeçari E. Ç. Policia vijon hetimet për zbardhjen e vjedhjeve të tjera që mund të kenë kryer dy të arrestuarit.

Njoftimi i plotë:

Tiranë/U kapën në flagrancë duke vjedhur në një kompleks në rrugën “Fejzi Himzo”, vihen në pranga 2 shtetas. Sekuestrohen disa nga sendet e vjedhura. Zbardhen dhe dokumentohen 2 vjedhje të tjera në subjekte të ndryshme, të kryera po nga këta shtetas, gjatë muajit prill dhe mars.

Shërbimet e Komisariatit të Policisë Nr. 6, si rezultat i punës për parandalimin dhe goditjen e veprimtarive kriminale në fushën e vjedhjes së pronës dhe pasurisë, për zbardhjen e atyre të ndodhura më parë, si dhe për nxjerrjen përpara përgjegjësisë penale të autorëve të tyre, kanë arrestuar në flagrancë shtetasit P. M., 51 vjeç dhe E. Ç., 39 vjeç, të dy banues në Tiranë.

Këta shtetas u kapën në flagrancë duke vjedhur në një kompleks në rrugën “Fejzi Himzo”. Gjithashtu, si rezultat i veprimeve hetimore, u zbardhën dhe u dokumentuan 2 vjedhje të tjera të kryera nga këta shtetas, në subjekte të ndryshme, ku janë marrë vlera monetare, paisje të ndryshme elektroshtepiake/vegla pune/pije alkoolike.

Vijojnë hetimet për zbardhjen dhe dokumentimin e vjedhjeve të tjera, që mund të jenë kryer nga këta shtetas. Materialet i kaluan Prokurorisë, për veprime të mëtejshme.

policia vjedhje ne tirane

Sondazh

Poll

MË SHUMË