Sport

Paris FC pas 46 vitesh... kthehet në Ligue 1 dhe do të sfidojë PSG-në…

Vetëm 100 metra ndajnë stadiumin e Paris FC nga fusha e PSG-së.

3 Maj 2025, 12:30 Nga DOSJA

Paris FC pas 46 vitesh... kthehet në Ligue 1 dhe do të sfidojë

FRANCE - Sezonin e ardhshëm do të ketë një derbi parizien në Ligue 1. Paris FC, në pronësi të grupit Louis Vitton (LVMH) dhe e mbështetur nga Red Bull (ish-sulmuesi Mario Gómez është njeriu në krye), është ngjitur në ligën më të lartë të futbollit francez, pas një mungese 46-vjeçare. 

Një barazim 1-1 në Martigues ishte i mjaftueshëm, sepse Metz (rivali i tyre) përfundoi 3-3 kundër Rodez. Ata shoqërojnë Lorientin, i cili tashmë është ngjitur në Divizionin e Parë.

Paris FC u detyrua të ngjitej në fushë në kërkim të derbit të parë midis kryeqytetit francez që nga viti 1990. Ndeshja e fundit Paris FC-PSG në divizionin e parë, nga ana tjetër, daton që nga viti 1979… ndeshje kjo e fituar nga vegjlit e kryeqytetit.

Gjithsesi, përballja e sezonit të ardhshëm do të jetë një derbi me një tërheqje të jashtëzakonshme, edhe nga distanca e shkurtër midis Jean Bouin (stadiumi ku Paris FC do të luajë duke filluar nga sezoni i ardhshëm) dhe Parc des Princes. Diçka e pakrahasueshme në futbollin elitar evropian. 

Paris FC po hyn në Ligue 1 me ambicien për t'u vendosur midis gjigantëve të futbollit francez, megjithëse me qëllimin për ta bërë këtë gradualisht dhe për të ruajtur qëndrueshmërinë si thelbin e projektit. Ata nuk do të jenë thjesht një tjetër ekip në universin e Red Bull, por do të kenë identitetin e tyre.

B.T (Dosja.al)

 

Sondazh

Poll

MË SHUMË